Bul týraly ortalyq kommýnıkasııalar qyzmetinde ótken baspasóz máslıhatynda aıtyldy. Sondaı-aq bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarııanyń aıtýynsha, vaksına senimdi, ýaqytsha ázirleý tehnologııasymen tekserilgen. Ondaǵy barlyq komponentter sońǵy 60 jyl ishinde zerttelgen jáne qaýipsiz.
Sonymen qatar maman qazaqstandyq vaksınadan keıin antıdene qansha merzim saqtalatyny týraly da aıtyp ótti.
«Spýtnık-V» ımmýndyq jaýapty ustap turýy úshin eki jyl boıy ony tekserý kerek. Búgingi kúni bul zertteýlerdiń júrgizilgenine tek qana bir jyl boldy. Sondyqtan ony naqty aıtý qıyn. Bizdiń vaksınamyz týraly tolyq aqparatty klınıkalyq zertteýdiń úshinshi fazasy aıaqtalǵan soń aıta alamyz. Degenmen basynda ǵalymdardyń ózi vaksına salǵan sátten beri toǵyz aı ótti. Toǵyz aıdyń ishinde ımmýndyq jaýap joǵary bolyp tur», dedi QR BǴM bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarııa.
