О́zen jaǵasyndaǵy eldi mekenderdi sý tasqynynan aman alyp qalý úshin aýdanǵa Qaraǵandydaǵy áskerı bólimnen kómek keldi.
Esil ózeniniń keıbir jataǵan, jaıpaq tustary arnasynan asyp jatyr. Astana sý qoımasyndaǵy sýdyń deńgeıi qalypty mólsherden sál joǵary. №42 razezd stansııasy men Jibek joly aýylyn ózen jaǵalaýynan asyp shyqqan sý basyp qalý qaýpi týyndaǵan soń saqtyq sharalary kúsheıtildi. Qazir apat oryn alýy múmkin óńirde qýatty tehnıkalarmen qarýlanǵan qutqarýshylar toby táýlik boıy jantalasyp jumys istep jatyr.
– Sý qoımasynan aǵatyn sý mólsheriniń kóbeıýine baılanysty azamattyq qorǵanys polkinen 50 adam, 3 tehnıka jiberildi. Sondaı-aq, tótenshe jaǵdaılar departamenti Aqmola gornızonynan 3 tehnıka, 4 sý soratyn qurylǵy, 30 adam jumyldyryldy, – deıdi oblystyq tótenshe jaǵdaılar departamentiniń bastyǵy Nurlan Atyǵaev.
Aýdandaǵy jergilikti atqarýshy organ men qutqarýshylar bilek biriktire otyryp, 6550 qapqa ınertti materıaldar toltyryp qoıdy. Qaýip paıda bolǵannan beri 6720 tekshe metr sý soryldy. Osy arada qyzmetti úılestirý úshin arnaıy shtab quryldy.
Esilip aqqan Esilden keler qaýiptiń betin qaıtarý úshin barlyq kúsh ortaq maqsatqa jumyldyrylýda.
Aqmola oblysy,
Arshaly aýdany.
