Koronavırýstyq ınfeksııanyń aldyn alý, taralý jáne juqtyrý qaýpine qaramastan, keıbir mekemeler karantındik shekteýlerdi júıeli túrde buzyp keledi.
14 sáýirde túngi ýaqytta Esil aýdanynda ornalasqan «Coffee Vista» kofehanasy belgilengen jumys rejımin saqtamaı kelýshilerdi qabyldady.
Osyǵan uqsas jaǵdaı Saryarqa aýdanyndaǵy «Karima» kafesi men «Panaehalı» atmosferalyq barynda da oryn aldy.
Baıqońyr aýdanynda jumys isteýine tyıym salynǵanyna qaramastan Respawn oıyn klýby kelýshilerdi qabyldady.
Jınalǵan materıaldyń bári sanıtarlyq-epıdemıologııalyq baqylaý basqarmasyna shara qoldaný jáne quqyq buzýshylardy ákimshilik jaýapkershilikke tartý úshin tapsyryldy.
Esterińizge sala keteıik, Nur-Sultan epıdemıologııalyq ahýaldy baǵalaý matrısasy boıynsha qyzyl aımaqqa engenine bir aıdan asty. Qaladaǵy epıdemıologııalyq jaǵdaı áli de turaqsyz bolyp otyr. Elorda turǵyndary men qonaqtary sondaı-aq kásipkerlik sýbektileri karantındik sharalar men sanıtarlyq normalardy tolyqtaı saqtaýy tıis, bul qaýipti vırýstyń taralý qaýpin azaıtady.
Sondaı-aq elordada halyqty KVI-ge qarsy vaksınasııalaý boıynsha jappaı naýqan júrgizilýde. Bul ujymdyq ımmýnıtetti damytýǵa múmkindik beredi jáne ómirdiń qalypty jaǵdaıyna oralýǵa kómektesedi.
