Aqpan aıynan bastap Tótenshe jaǵdaılar jónindegi komıssııa otyrystary, onyń ishinde osy másele boıynsha Úkimet otyrysy ótti, onda aldaǵy sý tasqyny kezeńine daıyndyq jumystary boıynsha naqty is-sharalar tapsyrylǵan bolatyn.
«Búgingi kúni eldi mekenderde sý basý qaýpi barynsha azaıtyldy. О́tken úsh jyl ishinde júzege asyrylǵan «Jol kartasyn» iske asyrý búginge deıin jalǵasyp keledi. Aldaǵy úsh jylda 217 eldi mekende sý basý qaýpi tolyǵymen joıylady», dedi Ortalyq kommýnıkasııalar qyzmetinde ótken brıfıngte elimizdiń bas qutqarýshysy Iýrıı Ilın.
Onyń aıtýynsha, 46 turǵyn úı sý astynda qalǵan. Barlyq jumystar júrgizildi, sý soryldy, turǵyndar óz úılerine qaıta oralýda. ShQO-da apta sońyna deıin Qaraǵandy garnızonynan azamattyq qorǵanys polki kezekshilik etedi.
