KVI vaksınasyn alýǵa ártúrli kásiporyndardyń eńbek ujymdary nıet bildirdi. Olardyń arasynda «Astana-AEK» AQ, Eýrazııa Ulttyq Ýnıversıteti, «Astana Balet» teatry, «Nur-Álem» pavılonynyń qyzmetkerleri, qurylys kompanııalary, SOO, memlekettik organdar jáne t.b. bar.
«Qazir óz qyzmetkerlerin koronavırýstyq ınfeksııaǵa qarsy vaksınasııalaǵysy keletin ujymdar jıi júgine bastady. Nıet bildirýshilerdiń tizimine sáıkes sol jerde vaksınasııa júrgizý úshin MSAK uıymdarynyń kóshpeli brıgadalaryn jiberemiz. Menshik ıeleriniń aýmaǵynda barlyq sanıtarlyq normalardy saqtaı otyryp egý pýnktteri uıymdastyrylǵan», dedi qalalyq Qoǵamdyq densaýlyq saqtaý basqarmasy basshysynyń orynbasary Álııa Rústemova.
Onyń aıtýynsha, ártúrli kásiporyndarda COVID-19 vaksınasyn alǵysy keletinderdiń sany 1000 adamǵa jetedi.
«Astana-AEK» AQ qyzmetkerleri vaksınasııa COVID-19-ǵa qarsy turýdyń basty tásili ekenin atap ótti.
«Ujymdy vaksınasııamen qamtý úshin kásiporynda egý pýnkti uıymdastyryldy. Ony ótkizý úshin bizge №5 qalalyq emhananyń medpersonaly keldi. Paıdalaný senimdiligi jáne qaýipsizdik tehnıkasy qyzmeti jeke kabınet uıymdastyryp, turǵyndardyń bir orynǵa jıylyp qalýyna jol bermeý úshin qatań qabyldaý kestesin ázirledi», dep atap ótti «Astana-AEK» AQ.
Elorda ákimi Altaı Kólginovtiń tapsyrmasy boıynsha halyqty vaksınasııamen keńinen qamtý úshin egý pýnktteriniń jumys kestesi tańǵy saǵat 8-den 12-ge deıin, Mega Silk Way SOO-da tańǵy saǵat 10-nan 22-ge deıin uzartyldy. 1-den 3-ke deıin kóshpeli brıgadalardyń sany da qalyptasýda.
Jalpy qalada KVI-ǵa qarsy vaksınany 40 myńnan astam adam qabyldady.
