«Búgin kóptegen elde Ekologııalyq bilim kúni atalyp ótýde. Bul óte mańyzdy kún dep esepteımin. Qorshaǵan ortaǵa, ekologııaǵa qatynasymyz bilim men tárbıege tikeleı baılanysty. Aldymyzda qorshaǵan ortany qorǵaý salasyndaǵy bilim berýdi jetildirip, ǵalamsharymyzdyń turaqty damýyn qamtamasyz etý mindeti tur. Aǵartýshylyq jumys azamattarymyzdyń, óskeleń urpaqtyń jaýapkershiligin kúsheıtip, aktýaldy ekologııalyq problemalarǵa nazar aýdarýǵa múmkindik beredi», dep jazdy M. Myrzaǵalıev.
Vedomstvo basshysy ekologııany jaqsartý baǵytyndaǵy jumystar men sharalar týraly halyqty aqparattandyryp otyrýdyń mańyzy týraly da atap ótti.
«Búginde elimizde ekologııa máselelerin sheshý baǵytynda aýqymdy jumystar júrgizilip jatyr. Jańa Ekologııalyq kodeks qabyldandy, tómenkómirtekti damý Tujyrymdamasy daıyndalýda, Ulttyq parkterde ekologııalyq týrızmdi damytý Tujyrymdamalary ázirlendi, óńirlerdegi ekologııalyq máselelerdi sheshýge negizdelgen Jol kartalary jumys istep tur. Atqarylyp jatqan jumystar týraly azamattarymyzdy aqparattandyrý da óte mańyzdy, sebebi josparlarymyzdy biz qoǵamnyń qatysýynsyz sátti júzege asyra almaımyz», dedi mınıstr.
