Aqmolalyq azamattardyń aq nıeti

О́zgege úlgi bolarlyq jaqsylyq sharapatty Selınograd aýdanynyń aq nıetti azamattarynyń ımandy is-qımylynan kóbirek kórýge bolady. Buǵan deıin de «Týǵan jer» baǵdarlamasy aıasynda jergilikti kásiporyn basshylary bas qosyp, óńirdiń áleýmettik-ekonomıkalyq salasyn damytý, qysylyp-qınalǵanǵa kómek kórsetý, jalpynyń suranysyn óteıtin áleýmettik baǵdarlamalardy júzege asyrý baǵytynda qyrýar is tyndyrdy.

Halyqtan qarajatyn aıamaıtyn atymtaı jomarttardyń qatarynan Ivan Saýer, Mars Itpaev, Tımýr Pshenov, Aıtqoja Baıjanov, Qanat Temirovti ataı ketýge bolady. Olar aýdandyq emhanaǵa arnaıy medısınalyq 5 kólik satyp alyp berdi. Jeke kásipker Qýanyshbek Ahmedın Tasty aýylyndaǵy dárigerlik ambýlatorııa men klýb ǵımarattaryn syıǵa tartty. El dese et júregi eljirep turatyn Tımýr Pshenov, Aıdos Nuraqyshev, Baýyrjan Ábdihalyqov, Saǵadat Áshebekovter shalǵaı aýyldardaǵy dárigerlik ambýlatorııalardy kúrdeli jóndeýden ótkizý úshin 27,5 mln teńge qarajat bóldi. Bul aýdandaǵy qaıyrymdy isterdiń bir parasy ǵana.

Daýasyz derttiń dúmpýi estilgeli «Jaqy­nyńa ómir syıla» qaıyrymdylyq aksııasyn shyn nıetimen qoldap, janashyrlyq jasaǵan er kóńildi azamattar qanshama?! Olar aksııa aıasynda medısınalyq jabdyqtar, dári-dár­mekter men jeke qorǵanys quraldaryn sa­typ alýǵa 22 mln teńge qarajat jınady. Qarııalar men jalǵyzilikti jandarǵa, áleý­­mettik jaǵynan az qamtamasyz etilgen otba­sy­­laryna azyq-túlik sebetterin taratty. Qan­shama jandy jan jylýymen jyly­typ, úmit otyn laýlatýǵa, el ishindegi birlik­ti ny­ǵaı­týǵa sózben emes, naqty ispen atsalysty.

Bulandy aýdanynda da Eriktiler jyly edáýir is tyndyryldy. Aldymen, aýdandyq jastar resýrstyq ortalyǵynyń janynan Mersi eriktiler toby qurylyp, bir jyl­dyń ishinde atqaratyn jumys kólemin ekshep, jospar jasady. Osy josparǵa sáıkes, «Ardagerlerdi ardaqtaıyq» jobasy aıasynda elýden astam jalǵyz turatyn, áleý­met­tik kómekke zárý adamdarǵa karan­tın kezinde azyq-túlikterin, sozylmaly syrqaty barlarǵa dári-dármegin jetkizip berýdi óz moıyn­daryna aldy. 44 áleýmettik jaǵynan az qam­tylǵan otbasylarǵa materıaldyq kómek kórsetildi. Tyl eńbekkerleri de nazar­dan tys qalǵan joq. Eriktiler «Taza álem» aksııasy aıasynda birneshe márte ekolo­gı­ıal­yq senbilikter uıymdastyrdy. Aýdan­daǵy eldi mekender abattandyrylyp, kórkeıip qaldy.

Naýryz aıynda derttiń qaıtadan bas kóterýine baılanysty burynǵy jumys jan­daný ústinde. Bul joly el qamyn oı­laǵan erik­tiler aýdan turǵyndarymen múm­kin­di­gin­she qoıan-qoltyq jumys istep, derttiń al­dyn alýǵa septigin tıgizetin 5 myńǵa taıaý aq­­parattyq paraqsha taratty. Sondaı-aq jeke qorǵanys quraldarymen de qamtamasyz etti. Aýdandyq aýrýhanaǵa tirkelgen zeınetkerler men múmkindigi shekteýli adamdarǵa dári-dármekterin jetkizip berýde. Jastar resýrstyq ortalyǵynyń eriktileri el ishin­degi jaman indettiń aldyn alýǵa baǵyt­talǵan beınematerıaldar túsirip taratty.

Dert qaıtadan bas kótergen kezde medı­sı­na qyzmetkerleri jan aıamaı jumys isteý­de. Eriktiler aýrýhana qyzmetkerlerine jú­­rek jalǵaý úshin azyq-túlik jetkizip be­rip otyrady. «Biz birgemiz!» aksııasy sheń­be­rin­de atqarylǵan jumys el ishin­degi bir­lik­ti nyǵaıta tústi. Eń bastysy, qoly qysqa, qam­qorlyqqa zárý adamdar qıyn­dyq­­pen betpe-bet kelgen ýaqytta jalǵyz emes­tigin, qol­daý­shysy qashanda janynan tabyla­tyn­dy­ǵyn sezindi. Bálkim, eń bastysy da osy shyǵar.

Eriktiler qozǵalysynyń jumysy qazir el aýzynda. Aqsaqaldar batalaryn berip, alǵys­taryn aıtyp otyr. Makınsk qalasyn­da árbir juma kúni muqtaj jandarǵa qajet­ti turmystyq zattar jınalady. Osy bir ıman­dy sharýaǵa qala turǵyndary belsen­di qaty­sýda. Olar ózderine qajeti joq, tuty­ný­ǵa áb­den jaraıtyn turmystyq qural­dar­dy, ja­ǵa­sy bútin kıim-keshekterdi osy jerge áke­lip tapsyrady. Bir arnada toǵys­qan bir­lik­tiń nátıjesinde 7 030 000 teńge qara­jat jı­naldy. Eń bastysy, eldiń yqylasy emes pe?!.  

Aqmola oblysy