Bul týraly Qazaqstan Jazýshylar odaǵynyń birinshi orynbasary aqyn Aqberen Elgezek áleýmettik jelidegi paraqshasynda jazdy.
«Qadirli aǵaıyn! Qazaqtyń asa kórnekti aqyny, Qazaqstan Respýblıkasy Memlekettik syılyǵynyń laýreaty Esenǵalı Raýshanovtan aıyrylyp qaldyq.
Alla aldynan jarylqasyn. Asyl rýhy beıishtiń tórinde shalqysyn.
Qosymsha aqparat keıinirek beriledi», dep jazdy ol.
Esenǵalı Raýshanov 1957 jyly 5 qazanda Qaraqalpaq AKSR-inde týǵan.
1973 jyly Qyzylorda oblysy, Jańaqorǵan aýdany, Kelintóbe sovhozyndaǵy №192 orta mektepti bitirgen soń, 1975–1977 jj. Keńes áskerı kúshteri qatarynda Soltústik Kavkaz áskerı okrýginde qyzmet atqardy. QazMÝ-diń jýrnalıstıka fakýltetin bitirgen. О́leńderi 1973 jyldan beri jarııalanyp keledi. 1983 jyly «Berdáýlet pen Jolaman» atty poemasy Qazaq KSR Baspa, polıgrafııa jáne kitap saýdasy isteri jónindegi memlekettik komıtetiniń, Qazaqstan Jazýshylar odaǵy, Qazaqstan LKJO Ortalyq Komıteti men «Jalyn» baspasynyń ozyq shyǵarmalarǵa jarııalaǵan báıgesinde birinshi oryn aldy.
1983–1987 jj. «Jalyn» jáne «Araı» jýrnaldarynda poezııa bóliminiń meńgerýshisi, jaýapty hatshy, 1988–1995 jj. «Bilim jáne eńbek» («Zerde») jýrnalynyń bas redaktory qyzmetin atqardy. Qazir «Jazýshy» baspasynyń dırektory.
О́zbek klassıgi Hamza Nıazıdiń óleńderin ózbek tilinen tikeleı aýdaryp, jeke kitap etip shyǵardy. Ortaǵasyrlyq tarıhı tanymdyq jádiger «Temir jarǵylary» da tuńǵysh ret qazaq tilinde E.Raýshanov tárjimasymen sóıledi.
О́leńderi orys, lıtva, bolgar, cheh, ýkraın, ózbek, qyrǵyz tilderine aýdarylǵan.
Qazaqstan Lenın komsomoly syılyǵynyń jáne Halyqaralyq «Alash» ádebı syılyǵynyń laýreaty. Máskeýde ótken jas aqyn-jazýshylar festıvaliniń, sondaı-aq Qazaq KSR-i shyǵarmashylyq jastarynyń «Jiger» festıvaliniń tuńǵysh laýreaty. Qazaq KSR-i syılyqtarymen jáne táýelsiz Qazaqstannyń on jyldyǵy medalimen marapattalǵan. Qazaqstan Respýblıkasy Memlekettik syılyǵynyń laýreaty (2006). «Qurmet» ordeniniń ıegeri. Qazaqstanǵa eńbegi sińgen baspa qaıratkeri. Sh.Esenov atyndaǵy Aqtaý tehnıkalyq ýnıversıtetiniń qurmetti professory.
Shyǵarmalary: Bastaý. О́leńder. A., «Jalyn», 1980; Kelintóbe. О́leńder. A., «Jalyn», 1984; Sholpan juldyz týǵansha. О́leńder. A., 1986; Ǵaısha bıbi. О́leńder. A., «Jazýshy», 1992; Qara baýyr qasqaldaq. О́leńder. A., «Jalyn», 1995; Perishteler men qustar. A., «Jazýshy», 2005; Bozańǵa bitken bozjýsan. A., «Rarıtet», 2006; Qustar bizdiń dosymyz. A., «Jazýshy», 2007.
