Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, 16 sáýir, saǵat 18.17-de 101 pýltine Petropavldaǵy «Tbılısı» meıramhanasynda órt shyqqandyǵy jaıynda habarlama túsedi.
Mamandar oqıǵa ornyna jetip, birden órt sóndirýge kiristi. Olar kelgende eki qabatty ǵımarat qalyń tútinge oranyp, shatyry lapyldap janyp jatqan. Sol jerde shuǵyl shtab qurylyp, Petropavl qalasynyń órt sóndirý qyzmetiniń qosymsha kúshi tartyldy. О́rt úsh ýchaskede bir ýaqytta sóndirile bastady.
Mamandardyń aıtýynsha, ǵımarattan 9 adam – meıramhana qyzmetkerleri qaýipsiz jerge shyǵaryldy. О́rtpen kúreske 15 tehnıka jáne jeke quramnan 67 adam jumyldyryldy.
О́rttiń saldarynan ǵımarattyń shatyry janyp ketti, eki qabat – 280 sharshy metr jalynmen zaqymdandy.
Tilsiz jaý saǵat 19.03-te tolyq sóndirildi. Zardap shekkender men qaza tapqandar joq.
