Nur-Sultan qalasy Qoǵamdyq densaýlyq saqtaý basqarmasynyń uıymdastyrýymen mobıldi toptar atalmysh mekemelerdiń jumys ornyna baryp, qyzmetkerlerin vaksınasııalaýdan ótkizip jatyr. Qaýipsizdik úshin COVID-19 vaksınasyn alǵysy keletinderge jeke kabınet uıymdastyryldy. Al jurttyń bir orynǵa jınalýyn boldyrmas úshin qatań qabyldaý kestesi jasaldy.
«Mobıldi toptardyń kelýi jumysymyzdy jeńildetedi. Sebebi zaýyt qyzmetkerleriniń kóbisi jumys ornynda vaksına qabyldaǵysy keledi. Jumys berýshige jáne qyzmetkerlerge jumysyn toqtatpaı birden vaksına salǵany óte yńǵaıly», dep túsindirdi №14 qalalyq emhana meńgerýshisiniń orynbasary Esbol Omarov.
Vaksınalaýdan buryn mamandar mindetti medısınalyq tekserýden ótedi, koronavırýsqa qarsy vaksınany alý algorıtmi túsindiriledi.
Vaksınanyń alǵashqy komponentin alǵan Nıkolaı Bababın, lokomotıv qurastyrý zaýyty zaýyttyń jumysshysy: "Naýqastardyń sanynda bolǵanymsha, vaksınasııalanǵandardyń qatarynda bolǵanym jaqsy", dedi.
Dárigerler vaksınasııa men ujymdyq ımmýnıtetti koronavırýstyń aldyn alýdyń tıimdi joly dep sanaıdy. Ony damytý úshin eresek turǵyndardyń kem degende 60%-yn egý kerek.
О́z kezeginde Nur-Sultan qalasynyń TJ departamentiniń qyzmetkerleri de ujymdyq vaksınasııalaýdan ótip jatyr.
Jappaı egýdi ótkizý úshin №3 qalalyq emhananyń kóshpeli medpersonal brıgadasy attandy.
Ekpeden keıin shaǵymdar bolǵan joq. 21 kúnnen keıin vaksınasııanyń ekinshi kezeńi ótedi. Al TJ departamentinde 100-den astam adam KVI-ge qarsy vaksınasııadan ótti.
Búginde elordalyq birqatar vedomstvolar men kásiporyndardyń qyzmetkerleri vaksınasııadan ótti. Qalada barlyǵy 55 myńnan astam adam vaksına aldy.
Tek jappaı ımmýndaý jáne ujymdyq ımmýnıtet bárimizge shekteýsiz, qalypty ómirge oralýǵa múmkindik beredi.
