Qazaqstan Respýblıkasy Mədenıet jəne sport mınıstrliginiń atynan aktrısa, Qazaqstannyń eńbek sińirgen artısi, «Qurmet», «Parasat» ordeniniń ıegeri Ǵazıza Məkeshqyzy Əbdinəbıevanyń qaıtys bolýyna baılanysty otbasy men jaqyndarynyń qaıǵysyna ortaqtasyp, kóńil aıtamyn.
Peıili darhan Ǵazıza apamyz sanaly ǵumyryn bekzat ónerge arnap, maǵynaly tirlik keshti. Uzaq jyldan beri teatr jəne kıno salasynda talaı tartymdy obrazdarymen talǵampaz kórermenniń ystyq yqylasyna bólendi. Ǵazıza Məkeshqyzy túsken «Toǵysqan taǵdyrlar», «Saransha» serıaly men «Qaýyn», «Birjan sal», «Aınalaıyn» jəne taǵy basqa fılmder qazaq kınematografııasynyń altyn qorynan oıyp turyp oryn aldy.
Jaıdary minezdi, ortasyna syıly bolǵan óner maıtalmanynyń asyl beınesi qalyń qazaqtyń kóńil tóri men júrek túkpirinde məńgi saqtalady.
Marqumnyń kózi tirisinde jasaǵan ıgi-jaqsy amaldary aldynan jarylqasyn. Jatqan jeri jaıly, topyraǵy torqa bolsyn.
