«18 sáýirde Shar ózeninde balyqtardyń qyrylǵandyǵy týraly aqparat kelip tústi. Atalǵan sý qoımasy «Aqtaılaq» sharýa qojalyǵynyń qaramaǵyna bekitilgen. Sol jerge kelip jetken mamandar óli balyqtardyń jaǵalaýdan 800 metrdeı qashyqtyqta jatqanyn kórdi. Qyrylǵan balyqtyń jalpy salmaǵy – 450 keli. Kózben sholý kezinde balyqtarǵa qandaı da bir zaqym kelgeni anyqtalǵan joq», delingen habarlamada.
Zaısan-Ertis oblysaralyq basseındik balyq sharýashylyǵy ınspeksııasynyń málimetinshe ózendegi sý deńgeıi aıtarlyqtaı tómendep ketken. О́zenniń ortalyq bóliginde sý tereńdigi 80 santımetr ǵana. Aldyn ala málimet boıynsha balyqtyń qyrylýyna sý qoımasynyń taıaz jerleriniń qatýy sebep bolýy múmkin.
