«Oblystyq polısııanyń jedel-tergeý toby esirtki qylmysyna qarsy is-qımyl departamentiniń kómegimen Qazaqstannyń 5 oblysy aýmaǵynda 5 esirtki zerthanasyn jasaýǵa qatysy bar onnan astam adamdy ustady. Tergeý barysynda zerthanalardy uıymdastyrýshylardyń bizdiń elden tys jerde bolǵany jáne Qazaqstan, Reseı, TMD-nyń basqa da elderi men alys shetelderde psıhotroptyq zattardy daıyndap satatyn transulttyq uıymdasqan top qurǵany anyqtaldy», dedi QR IIM resmı ókili Nurdildá Oraz onlaın brıfıngide.
Qazaqstanda jumys isteıtin bólimshege basshylyq etý men úılestirý «Telegramm» jáne «Sıgnal» messendjerlerimen júzege asyrylǵan.
«Transulttyq uıymdasqan qylmystyq top kýratorlary psıhotroptyq zattardy shetelden bizdiń elge suıyq túrde jetkizý arnasyn uıymdastyrǵan, ol avtokólik maılary men qosalqy bólshekter, alkogoldi ishimdikter, turmystyq zattar, maı radıatorlary men órt sóndirgishter túrinde logıstıkalyq fırmalar arqyly jetkizilip turǵan», dedi resmı ókil.
Transulttyq uıymdasqan top qatysýshylarynan jalpy sany 70 kılogramnan astam qurǵaq jáne suıyq túrinde alynǵan daıyn sıntetıkalyq esirtki jáne 3,5 tonnadan astam prekýrsorlar tárkilengen.
