Qoǵam • 19 Sáýir, 2021

Densaýlyq saqtaý mınıstrligi ýly maskalar týraly pikirdi teriske shyǵardy

561 ret

kórsetildi

1 mın

oqý úshin

Áıeldiń medısınalyq maskany otqa jaǵyp otyrǵan vıdeosy jelide tarap ketti. Vıdeodan maskanyń janbaı, erı bastaǵanyn kórýge bolady. Osydan keıin áıelder materıaldy ýly dep málimdep otyr. Densaýlyq saqtaý mınıstrliginiń ókilderi bul aqparatty joqqa shyǵaryp, onyń jansaq aqparat ekenin alǵa tartady, dep habarlaıdy Egemen.kz

Aıym DÁÝIT

Densaýlyq saqtaý mınıstrligi ýly maskalar týraly pikirdi teriske shyǵardy

Beınejazbada áıelder Qara teńizde ekenin jáne maskany otqa jaǵyp otyrǵanyn aıtady. Maska otta balqı bastaǵan kezde rolıktiń avtory onyń plastıkten jasalǵanyn jáne adam densaýlyǵyna aıtarlyqtaı keri áser etetinin aıtty.

«Birinshiden, bul vıdeo Qazaqstanda emes, Reseıde túsirilgen jáne elimizge esh qatysy joq. Ekinshiden, bizde satylatyn maskalardyń sapasy óte joǵary jáne sanıtarlyq talaptarǵa saı. Medısınalyq maskanyń otqa janbaı erýi qyzyq nemese erekshe jaıt emes. Jeke qorǵanys zattary arnaıy materıaldan jasalady. Ol – spanbond dep atalady. Ol sıntetıkalyq, mataǵa jatpaıtyn materıal, ol beriktigimen, joǵary jáne tómen temperatýraǵa tózimimen, sý ótkizbeý jáne ınfeksııadan qorǵaýǵa qajetti ózge de qasıetterimen erekshelenedi. Spanbond ýly zat emes, ol sıntetıkalyq materıal. Ony órtegen kezde ol rasymen de balqıdy, biraq zııan zattar shyǵarmaıdy. Rolıkte aıtylǵan plastık medısınalyq maskalardy jasaý kezinde qoldanylmaıdy», deıdi vedomstvo ókilderi.

Osylaısha, bul vıdeo maskalardyń ýly ekenin dáleldeı almaıdy, al avtorlardyń málimdemeleri teriske shyǵyp otyr.