Marııanyń Instagram-daǵy jazbasyna zer salsaq, ol álemdegi 5 364 metr bıiktikke deıin kóterilgen alǵashqy qyz eken. Everestti baǵyndyrý úshin 1,5 jyl daıyndyq qajet bolypty.
«Barlyǵy bizge bul múmkin emes degen edi. Biraq bizdiń qolymyzdan keldi. Bul maǵan qandaı shyǵyn ákeletinin bilemin, biraq men ózimniń myqty ekenimdi dáleldegim keldi. Aýrysyný, ter, kóz jasy jáne qatty sýyq munyń bári maǵan jáıdan-jáı áser ete qoıǵan joq. О́zińdi jeń, ózińniń qorqynyshyń men senimsizdigińmen kúres», dep jazdy Marııa Instagram paraqshasynda.
Marııa Áýezova osydan alty jyl buryn qos aıaǵynan birdeı aıyrylǵan. Birneshe jyl buryn Marııa Býrabaıdaǵy úsh shyńdy baǵyndyrǵan. Onyń úshinshisi – osy aımaqtaǵy eń bıik shyń – Kókshetaý taýy (Sınıýha). Marııa armanyn júzege asyrý úshin kóp jumys istegenin jáne aptasyna birneshe ret jattyǵý jasaýǵa týra keletindigin aıtady.
Marııa bolashaqta protezderdiń ústinde turyp, júrip ótken jolyn qaıtadan jeńýi úshin Everestti qaıta baǵyndyrmaq nıette.
Gaýhar QAPASh
