Balyqtardyń jasandy ósimin molaıtý maqsatynda aǵymdaǵy jyly balyq ósirý maýsymy bastalǵannan beri Balyq sharýashylyǵy komıtetiniń «Jaıyq-Atyraý bekire balyq ósirý zaýyty» RMQK bekire balyq túrleriniń 18 daraǵyn ustady.
19 sáýirde Jaıyq-Atyraý bekire balyq ósirý zaýyty bekire tuqymdas balyq túrleriniń shabaqtaryn jasandy ósirý maqsatynda aǵymdaǵy jylǵy 29 naýryzda Jaıyq ózeninde ustalǵan, salmaǵy 150 kg analyq qortpa balyǵynan tirideı kúıinde 20,3 kg ýyldyryq aldy.
Uryqtandyrylǵan ýyldyryqtar dernásil kezeńine deıin ınkýbasııalaý úshin apparattarǵa salyndy, sodan keıin basseınderinde ósirilip, budan ári ósirý toǵandaryna otyrǵyzylatyn bolady. Ol jerde ortasha salmaǵy 3-5 gramm bolatyn 600 myń dana qortpa shabaqtaryn alýǵa bolady dep boljanýda. О́sirilgen qortpa shabaqtary aǵymdaǵy jyldyń shilde-tamyz aılarynda tabıǵı ortaǵa jiberiledi.
Qazirgi ýaqytta analyq qortpanyń jaǵdaıy qanaǵattanarlyq dep baǵalanady. Úısindirý áreketiniń nátıjelerine baılanysty ol analyq tabyndy qalyptastyrý úshin paıdalanylatyn bolady, al qolda ustaý múmkin bolmaǵan jaǵdaıda Kaspıı teńizine jiberiledi.
Jalpy alǵanda, 2021 jyly tabıǵı mekendeý ortasyna baǵaly balyq túrleriniń 110,5 mln dana shabaǵyn, onyń ishinde 7 mln dana bekire shabaqtaryn shyǵarý josparlanǵan.
