El turǵyndaryn vaksınasııalaýdy keńinen qamtý úshin Nur-Sultan qalasynyń ákimi Altaı Kólginovtiń tapsyrmasy boıynsha egý pýnktteriniń sany 36-dan 100-ge deıin artty. JMSK uıymdary úshin jumys ýaqyty 8:00-den 24:00-ge deıin, SOO-larda 10:00-den 22:00-ge deıin uzardy. Sondaı-aq qalanyń eki iri «Mega Silk Way»jáne «Han Shatyr» SOO-larynda egý oryndary uıymdastyryldy.
Mysaly bir aptada «Mega Silk Way» SOO-da 1700-den astam adam vaksınalandy.
Ekinshi saýda-oıyn-saýyq ortalyǵy — «Han Shatyrda» azamattardy jappaı vaksınasııalaý búgin (19 sáýir) bastaldy. Jaqyn arada mundaı pýnktter «Kerýen» SOO men «Abý-Dabı Plaza» kesheninde de ashylady. Qajet bolǵan jaǵdaıda vaksınasııa pýnktterin qalanyń qonaq úılerinde de ashý josparda bar.
Halyqtyń COVID-19-ǵa qarsy vaksına alý belsendiliginiń joǵary bolýyna baılanysty Qoǵamdyq densaýlyq saqtaý basqarmasy kóshpeli brıgadalar uıymdastyryp, eńbek ujymdaryn jappaı vaksınasııalaýǵa kiristi. Túrli kásiporyndarda COVID-19 vaksınasyn alǵysy keletinderdiń sany 1000 adamǵa jetedi.
Qala boıynsha barlyǵy 60 myńǵa jýyq adam vaksınasııalandy.
