Balaǵa aýdandyq ortalyq aýrýhanada kómek kórsetildi. Medısına qyzmetkerleri oqıǵa jaıly polıseılerge habarlaǵan. Apatqa kinálini anyqtaý boıynsha jumystar júrgizildi. Oǵan beınebaqylaý kameralarynyń kómegi tıdi. Kelesi kúni SQO PD Jergilikti polısııa qyzmeti quqyq buzýshyny ustady. Ol 34 jastaǵy Aqqaıyń aýdanynyń turǵyny bolyp shyqty. Oǵan qatysty Ákimshilik quqyq buzýshylyq týraly kodeksiniń 611-baby -«Júrgizýshiniń jol-kólik oqıǵasyna baılanysty mindetterdi oryndamaýy» boıynsha hattama toltyryldy. «Júrgizýshi qorqyp ketkenin jáne bolǵan jaǵdaıdan ne isterin bilmegenin aıtty. Onyń júrgizýshi kýáligi alynyp, kóligi arnaıy turaqqa qoıyldy. Sonymen qatar, balanyń alǵan jaraqattarynyń aýyrlyǵyn anyqtaý úshin sot-medısınalyq saraptamasy taǵaıyndaldy. Saraptama nátıjeleri boıynsha prosessýaldyq sheshim qabyldanady», deıdi Soltústik Qazaqstan oblysynyń Polısııa departamenti Jergilikti polısııa qyzmeti basqarmasynyń izdeý tobynyń aǵa ınspektory, kapıtan Alekseı Morev.
