Bylaı qarasańyz, shynymen tutas bir dáýir aıaqtaldy. О́ıtkeni aǵaıyndy Fıdel men Raýl Kastrolar 60 jylǵa jýyq ýaqyt laýazymdy qyzmetterde boldy. Olar revolıýsııadan keıin elde Marks pen Lenın ıdeıasyna negizdelgen avtorıtarly sosıalızm ornatyp, úlken reformalar jasady.
Raýl Kastro Kýbany 12 jyl basqarypty. 90 jasqa taıaǵan saıasatker zeınetke shyǵamyn dedi. Endi Kommýnıstik partııanyń tizgini el prezıdenti Mıgel Dıas-Kanelge ótedi. Sarapshylar bul jańalyqty estı sala, eldi ekonomıkalyq daǵdarys kútip tur degen boljam jasady. Daǵdarystan bólek, narazylyqtardyń da aýyly alys emes sııaqty. О́ıtkeni halyq saıası baǵyttyń ózgermeı jatqanyn áýelden aıtyp keledi.
Raýl Kastro partııa basyna 2000-jyldardyń basynda keldi. Aǵasy Fıdel 1997 jyly inisi Raýldy orynbasary retinde tanystyryp qoıǵan-dy. Inisine qatysty jospary da, úmiti de zor Fıdel Kastro onyń qaı qyzmette bolsyn jaqsy nátıje kórsetetinine senimdi edi. Al Raýl 50 jyl boıy premer-mınıstr qyzmetinde júrip, kóbine aǵasynyń «kóleńkesinde» qalyp qoıatyn.
Raýl Kastro mansabynda birqatar jaqsy jetistikke jetti. Kýbanyń álemdik naryqqa kirýi de Raýldyń atymen baılanysty. Odan bólek, birneshe memlekettik baǵdarlama qolǵa alynyp, aýylsharýashylyq, óndiris parkteriniń jumysy jolǵa qoıyldy, jeke jáne memlekettik bazarlar iske qosyldy.
Degenmen halyq «kóleńkeli» ekonomıka úshin onyń bıligine qarsy syn aıtty. Elde AQSh-tyń áseri kúsheıe túsip, aral esirtki tasý úshin kópir retinde paıdalanyldy degen pikir bar. Oǵan bir kezderi jańbyrdan keıingi sańyraýqulaqtaı qaptaǵan Gavanadaǵy kazıno men qonaqúıler dálel deıdi.
