Barlyq óńir boıynsha azamattardyń qoǵamdyq oryndarda jappaı jınalýymen baılanysty 5 myńǵa jýyq «óreskel» buzýshylyq anyqtaldy.
Onyń ishinde 4 myń fakti meıramhanalar men túngi klýbtardyń shekteý ýaqytynan tys jumys isteýimen, 1 myńǵa jýyq fakti toılar ótkizýmen baılanysty.
Atap aıtqanda:
Nur-Sultan qalasynda 10 sáýirde «Han Talapaı» meıramhanasynda 160 adamnyń qatysýymen toı ótkizilgen, 17 sáýirde «Brýklın» kafesinde shekteý ýaqytyna qaramastan 30 adamǵa jáne «Nırvana» kafesinde 40 adamǵa qyzmet kórsetý faktisi anyqtalǵan;
Almaty qalasynda 15 sáýirde «MIаTA» laýndj barynda shekteý ýaqytynan keıin 60 kelýshige, 17 sáýirde «Eleksır» klýbynda 40 adamǵa qyzmet kórsetý faktisi tirkelgen;
Atyraý oblysynda 4 sáýirde «Araı» meıramhanasynda 80 adam qatysqan toı ótken, 16 sáýirde «ORTA» meıramhanasy túngi ýaqytta 40 kelýshige qyzmet kórsetýdi jalǵastyrǵan;
Qostanaı qalasynda ústimizdegi jyldyń 17 sáýirinde «Sálem kafesinde» toı ótken, 28 naýryzda shekteý merzimine qaramastan «Djon Snoý» kafesi jumysyn jalǵastyrǵan;
Batys Qazaqstan oblysynda 9 sáýirde 70 adamnyń qatysýymen, 10 sáýirde 60 adam qatysýymen toı ótkizý, kafelerdiń shekteýge qaramastan qyzmet etýi faktileri anyqtalǵan.
Shymkent qalasynda 3-shi, 11-shi jáne 12 sáýir kúnderi meıramhanalarda toı ótkizý faktileri tirkelgen.
Aqtóbe oblysynda 10 sáýirde «Aq jelken», «Iýrta» meıramhanalarynda 100 adamnyń qatysýymen toılar ótken. «Barrokko» kafesi shekteý ýaqytynan keıin qyzmet kórsetken.
Taraz qalasynda «Ádemi merýert» meıramhanasynda 4 sáýirde 100 adamnyń qatysýymen toı ótken.
Aqmola, Qaraǵandy oblystarynda da toı ótkizý, kafelerdiń túngi ýaqytta qyzmet etýi áli kúnge deıin jalǵasýda.
