Sapardyń negizgi maqsaty - sybaılas jemqorlyqqa qarsy is-qımyl agenttiginiń óz ıeliginde sybaılas jemqorlyqqa qarsy qajetti quraldardyń barlyq spektrin alýǵa múmkindik beretin «Ákimshilik quqyq buzýshylyq týraly» QR Kodeksine engizilgen jańalyqtardy túsindirý.
Sapar barysynda Shýlbınsk kenti ákimdiginiń ǵımaratynda ornalasqan Servıstik ákimdiktiń jumysymen tanysty. Bul qyzmet «Open Space» formatynda jumys isteıdi. «Servıstik ákimdik» - azamattarǵa memlekettik qyzmetterdi jedel jáne kedergisiz alýǵa múmkindik beredi, aqparattyq ashyqtyqty, azamattar úshin memlekettik organnyń eseptiligi men qoljetimdiligin qamtamasyz etedi.
Sondaı-aq Semeı qalasynyń ákimdigimen kezdesý uıymdastyryldy. Kezdesýge QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) ShQO boıynsha departamenti basshysynyń birinshi orynbasary J. Baıdildın, «Shyǵys — Adaldyq alańy» jobalyq keńsesiniń jetekshisi M. Bahyt, Semeı qalasy ákiminiń orynbasary A. Sadyrbaev jáne apparat qyzmetkerleri men qurylymdyq bólim basshylary qatysty. Túsindirý jumystarymen qatar qalalyq bilim bólimi men mádenıet bólimi QR 2015-2025 jyldarǵa arnalǵan sybaılas jemqorlyqqa qarsy strategııasy boıynsha esep berdi.
Jumys barysynda Shákárim ýnıversıtetiniń rektory B. Erdembekov pen ýnıversıtettiń qurylymdyq bólimsheleri jáne BAQ ókilderimen kezdesti.
Sonymen qatar, aımaqtyq «SEMEI» telearnasynyń «DIALOG» qoǵamdyq saıası baǵdarlamasyna suhbat berdi.
Is sapar sońynda barlyq jıynǵa qatysýshylardy adaldyqqa, adamgershilikke, memleket múddesine qyzmet etýge jáne Sybaılas jemqorlyqqa qarsy mədenıetti qalyptastyrýǵa shaqyrdy.
