Almaty qalasy boıynsha ekonomıkalyq tergeý departamenti júrgizgen sotqa deıingi tergep-tekserý jumystary boıynsha qylmystyq top jalǵan dollar jasaýǵa mamandanǵan. Olardyń dollar saqtaý jáne satýmen aınalysqany belgili boldy.
«2020 jylǵy tamyzda jedel-izdestirý sharalary kezinde Almaty qalasy aýmaǵynda jalpy somasy 4 200 dollar bolatyn 42 dana 100 AQSh dollaryn satýmen aınalysqan eki adamnan turatyn qylmystyq top áshkerelenip, ustaldy. Sot úkimimen aıyptalýshylar QK-niń «Jalǵan aqshany nemese baǵaly qaǵazdardy daıyndaý, saqtaý, ótkizý nemese satý» baby boıynsha kináli dep tanylyp, 3 jyldan 5 jylǵa deıin bas bostandyǵynan aıyrý túrindegi ártúrli jaza merzimine sottaldy», delingen habarlamada.
