«Qalada 100 egý kabınetinde vaksınalaýǵa jatatyn kontıngentterdi qamtý jumysy jalǵasýda, onyń ishinde «Mega Silk Way» jáne «Han shatyr» saýda-oıyn ortalyqtarynda egý pýnktteri ashyldy, sondaı-aq basqa da saýda-oıyn ortalyqtary men saýda úılerinde ashý jospary qaralýda. Qazirgi ýaqytta adam kóp jınalatyn jerlerde qosymsha egý kabınetterin ashý boıynsha daıyndyq jumystary júrýde. Jaqyn arada mundaı pýnktter «Kerýen» saýda-oıyn-saýyq ortalyǵy men «Ábý-Dabı Plaza» kesheninde de ashylady», dedi S. Beısenova elorda ákimdiginde ótken brıfıngide.
Spıkerdiń aıtýynsha, saýda-oıyn-saýyq ortalyqtarynda da medısına uıymdary sekildi barlyq sanıtarııalyq-epıdemııalyq talaptar saqtalady.
«Bul talaptar – bólme jıyntyǵy, jaraqtandyrý, jyljymaly egý pýnktterin aımaqtarǵa bólý jáne t.b. Qazirgi ýaqytta departament mamandary osy máselelerdiń barlyǵyn pysyqtap jatyr», dedi spıker.
