19-sáýir kúni Oral qalasyndaǵy temir-beton konstrýksııalaryn shyǵaratyn zaýyttyń mańaıynan pyshaq jaraqatyn alǵan 30 jastaǵy áıel tabylyp, polısııa qyzmetkerleri ony kópsalaly aýrýhanaǵa jetkizgende dárigerler áıeldiń jantapsyrǵanyn aıtqan.
Sol kúni 17:00 shamasynda kúdikti retinde marqumnyń 30 jastaǵy kúıeýi ustalǵan.
«Moı gorod» portalynyń habarlaýynsha, kúdikti qalalyq turǵyn-úı kommýnaldyq sharýashylyq bóliminde jumys istegen.
«Men eńbek demalysynan búgin ǵana shyqtym. Tańerteń jumys babymen oǵan habarlastym. Sóıtsem, ol jumystan shyǵyp ketipti. Juma kúni ketip qalǵan», dedi qalalyq turǵyn-úı kommýnaldyq sharýashylyq bóliminiń basshysy Jandos Dúısenǵalıev.
Bólim basshysynyń aıtýynsha, er adam ákimdikte 1 aıdan asa ýaqyt jumys istegen. Ujymda sabyrly, jumysyna jaýapty bolǵan. Shylym shekpegen, araqqa áýestigi de bolmaǵae. Voleıbol quramasy qataryna kirip, jaqynda jarysqa da qatysqan.
Qazir atalǵan qylmystyq is boıynsha tergeý júrgizilip jatyr, eger qylmysy dáleldense kúdikti «Adam óltirý baby boıynsha» bas bostandyǵynan aıyrylýy múmkin.
Gaýhar QAPASh
