«Nur-Sultan qalasyndaǵy COVID-19 indeti boıynsha epıdemıologııalyq jaǵdaı turaqsyz bolyp qalýda, qala bir aıdan astam ýaqyt boıy «qyzyl aımaqta» tur. Kúnine 350-den 650-ge deıin jaǵdaı tirkeledi. Sońǵy aptadaǵy syrqattanýshylyq kórsetkishi aldyńǵy aptadan 17%-ǵa joǵary, 100 myń turǵynǵa shaqqandaǵy qarqyndy kórsetkish — 326,2 qurady», dep habarlady S.Beısenova.
Onyń aıtýynsha, jyl basynan beri qala boıynsha koronavırýspen aýyratyndardyń sany 21 myńnan asty, pandemııa bastalǵannan beri 40 169 jaǵdaı tirkeldi. Búgingi kúni ortasha eseppen táýligine 6500 zertteý júrgiziledi.
Osy jyldyń sáýir aıyndaǵy COVID-19 syrqattanýshylyq kórsetkishi naýryz aıyndaǵy syrqattanýshylyq deńgeıinen 50%-ǵa, qańtar-aqpan aılarynda 37,8%-ǵa asady.
«Koronavırýs ınfeksııasyn tirkeýdi jalǵasýynyń negizgi sebepteri turǵyndardyń karantındik sharalardy saqtamaýynan bolyp otyr. Naqtyraq aıtqanda adam kóp jınalatyn oryndarǵa barý, betperde taqpaý, sondaı-aq negizgi sebepterdiń biri ambýlatorııalyq naýqastardyń da, jaqyn baılanysta bolǵan adamdardyń da úı karantıni rejımin saqtamaýy bolyp sanalady. Tyıym salynǵanǵa qaramastan kisiler úı karantınin buzýda. Bul olardyń Ashyq jobasyna qatysýshylardyń nysandaryna barýymen rastalady, ol boıynsha sáýir aıynda ǵana úı karantınin buzýshylardyń 200-ge jýyǵy, onyń ishinde 89 naýqas jáne 100 baılanysta bolǵan adam anyqtaldy», dep túsindirdi elordanyń bas sanıtarlyq dárigeri.
