Atyraý qalasynyń aýmaǵynda 2021 jyldyń 12-18 sáýir aralyǵynda ıaǵnı, bir apta ishinde jasóspirimderdiń ózderiniń turǵynjaılarynan habar-osharsyz ketý faktisi boıynsha Atyraý qalasy Polısııa basqarmasynyń 102 operatoryna tórt habarlama tirkelgen. Mysaly, 2021 jyldyń 18 sáýir kúni Atyraý qalasy Polısııa basqarmasynyń 102 operatoryna 36 jastaǵy azamatsha habarlasyp, Ashhabad kóshesinde ornalasqan turǵylyqty mekenjaıynan 8 jastaǵy jasóspirim qyzy kúndizgi saǵat 13:30 shamasynda shyǵyp ketip, úıine oralmaǵandyǵy jóninde habarlama bergen.
Habarlama boıynsha izdestirý jumystaryn júrgizý barysynda jasóspirim polısııa qyzmetkerleri túngi saǵat 01:00 shamasynda qaladaǵy kóshelerdiń birinen taýyp, jasóspirimniń óz betinshe kóshege shyǵyp ketkendigin anyqtady. Odan basqa, atalǵan jasóspirimniń eshqandaı mektepte bilim almaıtyndyǵy belgili boldy. Sol sebepti, 8 jastaǵy jasóspirim Atyraý oblystyq kámeletke tolmaǵandardy beıimdeý ortalyǵyna ornalastyryldy.
Ári qaraı atalǵan jasóspirimniń ata-anasyna qatysty is-qujattar Atyraý qalasy ákimdigi janyndaǵy kámeletke tolmaǵandardyń quqyǵyn qorǵaý komıssııasyna joldanatyn bolady.
О́z kezeginde Atyraý qalasy Polısııa basqarmasynyń ıývenaldy polısııa bólimshesiniń qyzmetkerleri ata-analarǵa qyraǵy bolýdy jáne balalaryn qaraýsyz qaldyrmaý qajettigin eskertedi.
