Soǵan qaramastan, zańdy belden basyp júrgender kóp. Operasııanyń 4 kúni ishinde ǵana oblysta balyq resýrstaryn zańsyz aýlaýdyń 70-ke jýyq zań buzýshylyqtary anyqtaldy.
– Áýeden sholý kezinde jaǵalaý syzyǵynan aıyratyn nómiri joq 18 dıýraldy qaıyqtary tabyldy. «Rahmetolla» ýchaskesinde qyzmetkerler 2 rezeńke qaıyq, eskek, qaıyq motory men qapshyqtaǵy aýlardy anyqtady. Barlyq zattaı dáleldemeler balyq ınspeksııasyna joldandy. 64 adamǵa qatysty jalpy sommasy 1 mln. teńgeden astam ákimshilik aıyppuldar salyndy, - dedi oblystyq Polısııa deparamentiniń bastyǵy Saǵat Mádıev.
Keshe tabıǵatty qorǵaý jáne aýmaqtyq balyq ınspeksııasynyń qyzmetkerleri MI-8 tikushaǵymen О́skemen qalasynan Buqtyrma sý qoımasynyń jaǵalaý syzyǵy boıymen – Bóken ózeniniń saǵasy – «Toranǵy» shyǵanaǵy, Jolnusqaý, Amanat, Sheńgeldi aýyldary, Qara Ertis ózeniniń saǵasy, Tuǵyl aýyly, Zaısan kóliniń soltústik-batystaǵy tyıym salynǵan bóligi baǵyty áýeden baqylandy. Sondaı-aq, qyzmetkerler Ulan, Kúrshim, Tarbaǵataı jáne Kókpekti aýdandarynyń ańshylyq alqaptaryn tekserdi.
Barlyq ıesiz qaıyqtar men balyqshylarǵa beınetúsirilim júrgizilip, ornalasý oryndarynyń kartasynda belgi qoıyldy. Aqparat Kúrshim, Tarbaǵataı, Kókpekti aýdandyq polısııa qyzmetkerlerine joldandy.
Balyqshy azamattar balyq aýlaýdyń normalary men qaǵıdalaryn buzǵany úshin ákimshilik jaýapkershilik (QR ÁQBtK-niń 381-baby) ǵana emes, qylmystyq jaýapkershilik (QR QK-niń 335-baby) qarastyrylǵanyn da este ustaǵandary jón.
