Petropavldyń «Jumysshy» kentinde turatyn bir turǵyny aýlasyna jaqyn qoıylǵan dońǵalaǵy bar turmystyq vagonynyń qoldy bolǵanyn aıtyp polısııaǵa júgingen. О́zi naqty qaı kúni joǵalǵanyn aıta almaǵan, tek vagonnyń quny 100 myń teńge ekeni belgili bolǵan.
Jedel izdestirýge kirisken polısııa kent turǵyndarynan bir apta buryn osy mańda evakýator júrgenin bilgen. Bul jerge uzyn evakýator kele qoımaıdy, tek shaqyrýmen úlken dúnıelerdi tirkeýge kelýi múmkin. Osylaı dep sheshken polısııa evakýator vagondy aparýy múmkin dep oılap temir qaldyqtaryn jınaıtyn jerlerdi tekserýge kirisedi. Kúdik shynǵa aınalyp, temir qaldyqtaryn jınaıtyn tirekterdiń birinen vagonnyń kesilgen bólikteri shyǵady. Al ony ótkizgen Reseıdiń JOO-larynyń birinde oqıtyn 18 jáne 24 jastaǵy stýdentter bolyp shyqty.
Qazir eki stýdenttiń ústinen Qylmystyq Kodekstiń «Urlyq» baby boıynsha is qozǵalyp, sotqa deıingi tekserister júrgizilýde.
