«Aqtóbeden shyǵatyn «Adyrna» respýblıkalyq ádebı-kórkem, kópshilik jýrnalynyń óz jumysyn ýaqytsha toqtatatynyn barlyq oqyrmandarǵa, janashyrlarǵa, ádebıettiń shynaıy tileýlesteri men onyń úzdiksiz órkendeýine alańdaıtyn barlyq náti qazaqqa, ulttyq rýhtyń bolashaǵyna jany men júregi alańdaıtyn baýyrlarǵa ókine otyryp habarlaımyn», dep jazba qaldyrdy ol.
Meıirhan Aqdáýlet jýrnaldyń alǵashqy sany 2016 jyldyń qarasha aıynda jaryq kórgeli beri jańa basylymǵa degen eldiń yqylasy men qadaý-qadaý azamattardyń qamqorlyǵy, qara halyqtyń rııasyz súıispenshiligi arqasynda basylymnyń jaǵdaıy kúrt jaqsaryp, «Adyrna» esimi meılinshe tanymal dárejege kóterilgenin aıtty.
«Adalyna jyǵylsaq, jýrnalǵa qajetti qarjyny belgilep, júrgen jerinde shynaıy nasıhattaǵany sol kezdegi Aqtóbe oblysynyń ákimi, iri memleket qaıratkeri Berdibek Máshbekuly Saparbaevtyń ózi edi», deıdi M.Aqdáýlet.
Bas redaktor soǵan qaramastan 2020 jyldan bastap «Adyrnanyń» jaǵdaıy kúrt tómendep ketken aıtady. Oǵan sebep jergilikti nemquraıly áreketi ekenin atap ótti.
«Adyrnanyń» jaǵdaıy kúrt tómendedi: oblystyń ishki saıasat bóliminiń basshysy qańtar-aqpan aılarynda ótetin tenderdi maýsym aıynyń aıaǵyna deıin sozdy, al tender ótken soń, «qarjynyń az bólingenin» aıtyp, aqyry shilde aıynda eki mıllıon qarjyny bergizip, aldarqatty da qoıdy. Men, Meıirhan Aqdáýletuly, qarjynyń túbi bolatynyn aıta beretin ákimlikke senip, barlyq qarjyny óz qaltamnan tólep júrdim de, qazan aıynyń orta sheninde oblys ákimine kirip, kelesi jylǵa jazylýdy toqtatatynymdy, oqyrman úshin jeltoqsan aıynda sońǵy nomerin shyǵaratynymdy, ákimshiliktiń ýádesine senip shyǵyndanyp kelgenimdi baıandadym.
Ońdasyn Seıiluly qarjyny jergilikti qorlar arqyly óteıtinin, jýrnaldyń 2021
jyly da shyǵa berýi kerektigin aıtyp, tynyshtandyrdy. Ýáde tym sozylyp ketken soń bıylǵy aqpan aıynda ákimge taǵy kirdim. Bul joly da ákim sál kútý kerektigin, qarjynyń tabylatynyn taǵy da aıtty jáne meniń Qazaqstannyń 30 jyldyǵyna baılanysty usynǵan jobalarymdy qýana qoldap, tıisti adamdarǵa tapsyrma berdi. 2021 jylǵy qańtar, aqpan aılarynyń nomerlerin shyǵaryp, jýrnaldyń naýryz, sáýir, mamyr aılarynyń nomerlerin baspaǵa ázirlep qoıdyq...
Al ákimshilikten áli naqty habar ǵana emes, osy máselege bas aýyrtatyndaı nıet joq. О́z oqyrmany qalyptasyp, elge tanymal bolǵan jýrnaldyń osy jaǵdaıy meni tyǵyryqqa tirep, basylymnyń shyǵýyn ýaqytsha toqtatýǵa májbúrlep otyr.2019 jyly úlken ádebı báıge jarııalanyp, sonyń qortyndysyna 5,5 mln teńge jumsap ádebı forým ótkizgen, halyqtyń óz ádebıetine degen yqylasyn oıatyp, oblysqa, oblystyń ákimine abroı ápergen «Adyrnanyń» osy beıshara kúıge túskenine, tırajy úsh jyl ishinde «Juldyzdan» asyp túsken jýrnaldyń eshkimge endi qajetsizdigine jáne... resmı bıliktiń «ýádesi» arqasynda óz basym 19,0 mln aqshany ákimshiliktiń úzdiksiz ýádesine bola óz qaltamnan tólegenime ǵana emes, «rýh, t.t.» dep saıraǵanda aldyna jan salmaıtyndardyń qazaqy rýhty osylaı da qorlaýǵa bolaryna qaıranmyn. Ony sot arqyly sheshýge talpynarmyz, biraq «Adyrnany» qorlyqqa salarlyqtaı eshteme istemep edik. Sonymen... ázirge áli de úmittimiz. Barlyq tileýlesterden keshirim ótinemin, - delingen jazbada.
