Prezıdentke qylmystyq prosestiń úsh býyndy modeline kóshýdiń birinshi kezeńin iske asyrý nátıjeleri týraly aqparat berildi.
Ǵızat Nurdáýletovtiń aıtýynsha, sotqa deıingi tergeý organdary prokýrorlarmen negizgi sheshimderin kelisýdiń arqasynda azamattardyń konstıtýsııalyq quqyqtaryn buzý 33 paıyzǵa azaıǵan.
Memleket basshysyna kásipkerlerdi memlekettik organdardyń zańsyz áreketterinen qorǵaý, prokýrorlyq qadaǵalaýdy bıznestiń problemalaryn tıimdi sheshýge qaıta baǵdarlaý boıynsha berilgen tapsyrmalardy oryndaý jóninde qabyldanyp jatqan sharalar týraly aıtyldy. Bas prokýrordyń sózinshe, jyl basynan beri 22 myń kásipkerdiń quqyǵy qorǵalǵan, 357 zańsyz tekserý men memlekettik organdardyń 56 aktisi joıylǵan.
Qasym-Jomart Toqaev qoǵamnyń barlyq salasynda zań ústemdigin qamtamasyz etýdiń mańyzdylyǵyn atap ótip, Ǵızat Nurdáýletovke birqatar tapsyrma berdi.
