Foto Artıom Býkreev
Bul týraly BQO ákimi aldaǵy besjyldyqqa arnalǵan kógaldandyrý josparyn talqylaǵan jıynda aıtty. 1 mıllıon kóshet otyrǵyzý kerek. Ǵalı Esqalıev jaýaptylardan jasyl jelekterge tıisti kútim jasaýdy talap etti.
Memleket basshysy Qasym-Jomart Toqaev respýblıka aýmaǵynda 2 mlrd aǵash jáne eldi mekenderde 15 mln aǵash otyrǵyzý týraly tapsyrma berdi. BQO ákimdiginde atap ótkendeı, 2021 jyly 60 myńnan astam aǵash otyrǵyzý josparlanǵan. Aksııaǵa memlekettik organdardyń qyzmetkerleri ǵana emes, kásiporyndar ujymdary men jeke tulǵalardy da qosylýǵa shaqyrdy.
– Bes jyl ishinde qala mańyna bir mıllıon aǵash otyrǵyzylýy tıis. 8 vedomstvoǵa qarasty uıymdar kóshet ósiredi, – dedi Tabıǵı resýrstar jáne tabıǵat paıdalanýdy retteý basqarmasy basshysynyń mindetin atqarýshy Bısenǵalı Haırýllın.
Elena Ýlanova qalany kógaldandyrý salasynda birneshe jyldan beri jumys isteıdi. Ol 2015 jyly aǵash otyrǵyzý boıynsha memlekettik satyp alý konkýrsyna qatysqanyn aıtady. Biraq, bul tájirıbe óte sátsiz bolǵan.
– Bizge 15 mıllıon teńge tólendi. Bul otyrǵyzý materıalynyń quny boldy. Biraq kútip, qaraýdy kommýnaldyq qyzmetterge berdi. Barlyq aǵashtar qýrap qaldy, – dedi Elena Ýlanova.
Oblys ákimi Ǵalı Esqalıev jasyl jelekterdi kútýge jaýapty tulǵalardy anyqtaý qajettigin aıtty. Olardy aǵashtar men butalardy sýarý jıiligi týraly qajetti aqparatpen qamtamasyz etý kerek.
– Biz jyl saıyn otyrǵyzamyz, biraq kútim tıisti deńgeıde júzege asyrylmaıdy. 60-70 paıyzy tamyr jaıǵan joq, – dedi BQO ákimi Ǵalı Esqalıev.
Aıta keteıik, senbilikter kezinde aǵashtardy otyrǵyzýǵa ǵana emes, kútip-baptaýǵa da erekshe kóńil bólinedi.
