Eńbek naryǵynda suranysqa ıe mamandardy daıarlaý, kolledjdiń materıaldyq-tehnıkalyq bazasyn jaqsartý jáne oqytýshylardyń quzyretin arttyrý úshin H.О́zbekǵalıev atyndaǵy Mańǵystaý polıtehnıkalyq kolledji «Jas maman» jobasyna 2020 jyly «Tokarlyq isi jáne metall óńdeý», «Dánekerleý tehnologııasy» jáne «IT» quzyrettilikteri boıynsha qatysyp, oqý ornynyń bazasyna mamandyqtar boıynsha álemdegi ozyq tehnologııalardy qoldanatyn sońǵy úlgidegi zamanaýı jabdyqtar satyp alyndy.
Kolledjdi jaraqtandyrýǵa arnalǵan jabdyqtardyń tizimi jumys berýshilerdiń talaptary, kásiptik jáne WorldSkills standarttaryna sáıkes jasaldy. Jabdyqtardy satyp alý Qazaqstan Respýblıkasynyń memlekettik satyp alý týraly qoldanystaǵy zańnamasyna sáıkes ashyq konkýrs tásilimen júzege asyryldy.
Jańa jabdyqtar boıynsha kolledjdiń arnaıy pán oqytýshylary men óndiristik oqytý sheberleri oqytýdan ótti. Qazirgi tańda kolledjde osy mamandyqtar boıynsha bilim berý baǵdarlamalaryna jumys berýshilerdiń talaptaryn eskere otyryp, qoldanystaǵy oqý josparlaryna ıntegrasııalanatyn kásibı modýlderdi ázirleý jumystary júrgizilýde. Atalǵan mamandyqtar boıynsha kolledjde kadrlardy daıarlaýdyń halyqaralyq standarttaryn engizý úshin sheteldik seriktester tartylady. Sheteldik seriktespen birlesip kadrlardy daıarlaý baǵdarlamalary jańartylyp, oqytýshylardy ázirleý jáne oqý orny men menedjment prosesterin jetildirý boıynsha jumystar uıymdastyrylýda.
Sondaı-aq kolledj bazasynda «Jas maman» jobasy aıasynda «CAD ınjenerlik grafıkasy», «Jelilik jáne júıelik ákimshilendirý», «Mehatronıka», «Mobıldi robottehnıka», «Internet-zattar», «Prototıpteý», «IT-baǵyttary» jáne «Tokarlyq isi jáne metall óńdeý», «Dánekerleý tehnologııasy» mamandyqtary boıynsha óńir úshin quzyrettilik ortalyqtary ashyldy. Ol ortalyqtar WorldSkills halyqaralyq standarttary boıynsha sıfrly tehnologııalar jónindegi jattyǵý lageriniń alańy, sondaı-aq kásiptik baǵdarlaý jáne qyzmettik jyljý ortalyǵy jáne WorldSkills chempıonattaryna qatysýshylardy daıyndaý alańdary bolady.
Quzyrettilik ortalyqtary úzdik, álemdik standarttar men tájirıbege jáne WorldSkills standarttaryna saı eńbek naryǵyna myqty daıyndalǵan kadrlardy shyǵarýǵa múmkindik beredi.
О́ńirde jumyssyzdyq máselelerin sheshýge negiz bolý maqsatynda quzyrettilik ortalyqtarynda tájirıbeli nusqaýshylarmen jáne zamanaýı jabdyqtardy talap etiletin mamandyq daǵdylaryn oqytý boıynsha qysqa merzimdi kýrstar ótkizý josparǵa qoıylyp otyr.
Sondaı-aq elimizde salalyq halyqaralyq standarttardyń engizilýine baılanysty kásiporyndardyń jumys istep júrgen qyzmetkerlerin olardyń talaptaryna sáıkes oqytý jáne qaıta daıarlaý bóliginde kásiporyndarmen ózara tıimdi yntymaqtastyq ornatylady. Bul kolledjimizge oqý-trenıng ortalyǵy retinde qyzmet etýge múmkindik beredi. Osylaısha, kolledjdiń odan ári damýyna qajet qosymsha bıýdjetten tys kiristi qamtamasyz etedi.
Buǵan qosa satylyp alynǵan zamanaýı jabdyqtar arqyly jańa formattaǵy memlekettik qorytyndy attestattaý WorldSkills standarttaryna sáıkes demonstrasııalyq emtıhandar túrinde ótkiziledi, onda bilim alýshynyń WorldSkills standarttaryna sáıkes belgili bir salada kásibı is-áreketterdi júrgizýge nemese óz mamandyqtary boıynsha jumystardy oryndaý boıynsha bilim, bilik, daǵdy, quzyrettilik deńgeıi baǵalanady. Attestattaýdyń dástúrli túrinen aıyrmashylyǵy, stýdentterge tapsyrmalardyń mazmuny aldyn ala berilmeıdi jáne tapsyrmalardy baǵalaý prosedýrasyna qatysatyn tıisti sarapshylar jasaıdy.
Qoryta aıtqanda, básekege qabiletti, eńbek naryǵynda suranysqa ıe mamandardy daıarlaýda «Jas maman» jobasy jastarǵa jol ashady.
Zarıpa ShOLTANOVA,
H.О́zbekǵalıev atyndaǵy Mańǵystaý polıtehnıkalyq kolledjiniń basshysy
