Aqyndar men sýretshiler baq synaıdy

Elimizde tuńǵysh ret ótkizilip jatqan jobanyń negizi maqsaty – óńir-óńirdegi sýretshiler men aqyndardyń shyǵarmalaryn nası­hattaý hám tanytý, olardyń týyn­dylary arqyly Qaraǵandy ob­lysynyń tarıhı tulǵalaryn, má­denı eskertkishterin, sakraldy oryn­daryn, tabıǵatyn, táýelsizdik kezeńinde ólsheýsiz úles qosqan tulǵalardyń esimin asqaqtatý, poe­zııa men sýret óneriniń úndestigin baǵalaý ári baǵamdaý, oqyrman qaýymnyń moderndik ortasyn qa­lyptastyrý bolyp otyr. Qazaq jáne orys tilinde ótetin óner sa­ıysy­na qatysýshy aqyndar men sýretshilerdiń jas ereksheligine shekteý qoıylmaıdy. Kez kelgen daryndy úmitker buryn jarııalanbaǵan shyǵarmasyn «Má­denıet portalyna» tirkeý arqyly qatysa alady.

«Táýelsizdik: Sóz ben Sýret» atty aqyndar men sýretshiler arasyndaǵy respýblıkalyq onlaın-baıqaýy aıasynda jeńimpaz aqyndardyń óleńderi qazaq, orys jáne aǵylshyn tilderine aýdarylyp, sýretshilerdiń kartınalarymen birge arnaıy albom daıyndalmaq. Sondaı-aq júl­degerlerdiń shyǵarmalarynan qu­ralǵan albom aǵylshyn jáne orys tildi memleketterdiń ulttyq kitap­ha­nalaryna joldanady. Mu­nymen qosa albom arnaıy túsirilgen beınerolıkterge silteme berilgen QR-kodtarmen jaryq kórmek.