Jaqynda Zhetysu – Startup ınnovasııalyq ıdeıalar men jobalar baıqaýynyń qorytyndysy shyǵaryldy. Baıqaýǵa óńirdegi mańdaıaldy oqý ornynan 30 stýdent jáne Nazarbaev zııatkerlik mektebiniń oqýshylary túrli jobalaryn usynypty. Solardyń ishinde jańalyǵy men ózektiligi, ınvestısııalyq tartymdylyǵy, kommersıalandyrý deńgeıi men óńir úshin áleýmettik-ekonomıkalyq mańyzy joǵary degen 9 joba úzdik dep tanylǵan eken.
– Búginde jastar stýdent kezinen bastap kásippen aınalysqysy keledi. Olardyń talabyn shyńdaý maqsatynda ýnıversıtte Zhetysu – Startup akademııasy ashylǵan bolatyn. Munda jastar bıznestiń alǵashqy álippesin úırenedi jáne ózderiniń zertteý jumystaryn júrgizip, naryq álemin zerdeleıdi. Jas ǵalymdardyń ınnovasııalyq áleýetin damytyp, olardyń jobasynyń iske asýyn qarjylandyrý úshin ýnıversıtet startap jobalarǵa baıqaý ótkizip turady, – deıdi Jetisý ýnıversıtetiniń basqarma tóraǵasy-rektor Qýat Baımyrzaev.
Bıylǵy startap jobalar baıqaýynyń bas júldesin jeńip alǵan M.Beımbetova men J.Jeksenbaıǵa 100 myń, 1 oryn alǵan A.Eseıqyzy, N.Kım, Á.Tanabaevaǵa 70 myńǵa sertıfıkat tabystaldy. Al jobaǵa qatysqan basqa da stýdentter yntalandyrý syılyqtarymen marapattaldy.
Jalpy, Jetisý ýnıversıtetinde stýdentterdi ekonomıkanyń joǵary tehnologııalyq sektoryn damytýǵa yqpal etý baǵytynda bilim berý úrdisi qanat jaıyp keledi. Iаǵnı qazirgi bilim berýdiń mańyzdy mindeti ınnovasııaǵa bet burý bolyp otyr. Bul maqsatqa jetý úshin oqý ornynyń qabyrǵasynda ozyq ǵylymı-zertteý jumysy jasalýy tıis.
– Ekonomıkalyq ósý men adamdardyń ál-aýqatynyń artýy ozyq bilimge baılanysty. Al ozyq bilim men ǵylymı ıdeıalardyń ıesi – adam. Adamı kapıtaldyń sapasyn ekonomıkalyq ósimmen salystyrýǵa bolady. Demek, adamı kapıtalǵa quıylatyn ınvestısııa ekonomıkalyq ósýge yqpal etedi. Bul turǵyda ýnıversıtet ustazdary Bilim jáne ǵylym mınıstrligi jarııalaǵan ǵylymı jobalar baıqaýyna jıi qatysyp júr. Bıyldyń ózinde alty áriptesimizdiń eńbegi joǵary baǵalandy. Bul bir jaǵynan Jetisý ǵylymynyń bir orynda toqtap qalmaı, zaman talaptaryna saı jańaryp kele jatqanyn ańǵartady, – deıdi Jetisý ýnıversıtetiniń ǵylymı jumystar jónindegi prorektory Aleftına Bahtaýlova.
