– Oblysta jol apatynyń jıilep ketýi bárimizdi, eń aldymen, jergilikti azamattardy alańdatady. Byltyr óńirde 232 jol-kólik oqıǵasy boldy. Sonyń saldarynan 69 adam, sonyń ishinde 6 bala qaıtys boldy. Mundaı ahýal jyl saıyn qaıtalanýda. Ásirese, «Oral-Atyraý» tas jolyna basa nazar aýdarǵan jón, – dedi Prezıdent.
Memleket basshysynyń aıtýynsha, ókinishke qaraı, bul jol adam ómirine únemi qaýip tóndirip otyr. Bıylǵy eki aı ishinde osy joldyń boıynda 7 jol-kólik oqıǵasy bolyp, 17 adam qaza tapqan. Sondaı-aq, 15 adam zardap shekti. Bir ǵana jol apatynan 15 bala jetim qaldy.
«Bundaı jaǵdaıǵa jol bermeýimiz kerek. Úkimet pen óńirdegi ákimdikterdiń mindeti – jol qaýipsizdigin barynsha qamtamasyz etý. «Oral-Atyraý» tas jolynyń aımaq úshin strategııalyq mańyzy zor. Barlyq jolaýshy jáne júk tasymaly osy jol arqyly ótedi. Avtojoldyń boıynda kólik turaǵy joqtyń qasy. Shyn máninde, joldyń sapasy kóńil kónshitpeıdi», dedi Memleket basshysy.
