О́z vaksınasyn ázirlegen álemdegi bes eldiń qataryndamyz

Otandyq vaksına Dúnıejúzilik den­saýlyq saqtaý uıymynyń tizilimine de en­gizilgen. Onyń tolyq qaýipsizdigi dálel­dengen. Atalǵan vaksına koronavırýs ınfek­sııa­syna qarsy turaqty ımmýnıtetti qalyp­tas­tyrady. Inak­tıvtendirilgen vaksınanyń artyqshylyǵy – ol vaksınamen baılanys­ty aýrýlardy týdyrmaıdy. Budan bólek, QazVac vaksınasyn jetkizý ádisteri kúrdeli tońa­zytqysh qondyrǵylaryn talap etpeıdi. Olar tońazytqyshta +2-8 gradýs temperatýrada tasymaldanady.

Prezıdent tapsyrmasyna sáıkes Jambyl obly­synyń Qordaı aýdanyna kelgen Pre­mer-Mınıs­trdiń orynbasary Eraly Toǵjanov óńirge jumys sa­pary barysynda Bıo­logııalyq qaýipsizdik problemalary ǵylymı-zertteý ınstıtýtynyń bazasynda óndirilgen «QazVac» (Qaz­Covid-in) qazaq­standyq vak­sı­nasynyń birinshi partııa­­synyń jóneltilýine qatys­ty. Sonymen qatar Qor­daı aýdany Gvardeıskıı kentin­degi bıofarmasevtıka zaýy­tynyń qurylysymen tanysty.

«Qazaqstandyq vak­sı­nanyń jasalýy – bizdiń elimizdiń koronavırýs ınfeksııasyna qarsy óz vaksınalaryn ázirlegen álemniń bes eliniń qataryna enýine múmkindik berdi. Bul tek halyqtyń densaýlyǵyna ǵana qa­tysty másele emes. Sondaı-aq otandyq ǵylym­nyń áleýeti men bıofarmasevtıkada zaman­aýı tehno­lo­gııalardy is júzinde qolda­­nýdyń, memlekettiń bede­liniń dáleli», dedi E.Toǵ­janov.

Sonymen qatar vıse-premer Memleket basshysy Qasym-Jomart Toqaevtyń qazaq­standyq vaksınany shy­ǵarý jónindegi bar­lyq tap­syrmasy Úkimettiń erekshe baqy­laýynda ekenin jáne vaksınanyń biri­n­shi partııasynyń búgingi shy­ǵarylýy onyń is júzin­de oryndalǵanyn aıǵaqtaı­tynyn atap ótti. Kezdesýde «QazVac» vaksınasynyń al­ǵashqy 50 myń dozasy «SQ-Farmasııa» jaýap­kershiligi shekteýli seriktestiginiń hab­taryna taratylyp, odan ári elimizdiń bar­lyq óńirindegi densaýlyq saqtaý basqar­malarynyń qoımalaryna jetkiziletini de aıtyldy.

Búginde Bıologııalyq qaýip­sizdik prob­lemalary ǵylymı-zertteý ınstıtýty ja­nyndaǵy bıofarmasev­tıka zaýytynda qury­lys-jóndeý jáne árleý ju­mystary aıaqtal­ǵan. Inje­nerlik jelilerge qosý ar­qyly jab­dyqtardy montajdaý, qosý-baptaý jáne iske qosý boıynsha jumystar júrgizi­lýde. Bıylǵy naýryz aıynda zertteýdiń GMP standarttaryna sáıkestigi týraly oń qorytyndysy (DQ) alynǵan. Kelesi qa­dam – valıdasııany júzege asyrý jáne GMP halyqaralyq standartynyń sertıfıka­tyn alý bolyp otyr. Bul maqsatqa «Atabaı» túrik kompanııasy tartylǵan.

Atalǵan ny­sandy ara­laǵan E.Toǵjanov nysan jumy­syna oń baǵa berip, vaksına jasaý jumy­syna atsalysqany úshin ǵalymdar men dári­gerlerge alǵys bildirdi. О́z sózinde Memleket bas­shysynyń tapsyrmasyna sáıkes otan­dyq vaksına óndiretin zaýyt qurylysy bel­gi­lengen merzimde júrgizilip jatqanyn atap ótti. Sonymen qatar bıofarmasevtıka zaýy­ty bıyl iske qosylǵannan keıin onyń baza­synda «QazVac» vaksınasyn óndirý jalǵa­sa­tyny da aıtyldy.

Jambyl oblysy