Jalpy, pandemııa bastalǵannan beri Shyǵys Qazaqstanda koronavırýs ınfeksııasynyń 24 myń jaǵdaıy tirkeldi. Oblys qazir «sary aımaqta». Al О́skemen, Semeı qalalary men Aıagóz aýdanynda epıdemııalyq jaǵdaı ýshyǵyp bara jatqandyqtan shekteý kúsheıdi. Tek sońǵy aptada Semeıde 240 naýqas anyqtalyp, qala vırýstyń taralýy jaǵynan kósh bastady. Oblys ortalyǵy О́skemende 209 oqıǵa tirkeldi. Toǵyz joldyń torabynda jatqan Aıagóz aýdanynda 67 adam koronavırýs juqtyrǵan. Sóıtip, ınfeksııanyń taralýy boıynsha jaǵdaıdy baǵalaý matrısasyna sáıkes bul eldi mekender «qyzyl aımaqqa» jatqyzyldy. Budan bylaı úsh óńirdiń turǵyndary úshin talap kúsheıdi. Oblystyń bas memlekettik sanıtarlyq dárigeriniń qoldanystaǵy qaýlysyna ózgerister men tolyqtyrýlar engizildi. Onda «qyzyl aımaqta» aýrýdyń taralýyn aýyzdyqtaý úshin belgili bir shekteý sharalary engizilgen. Oblystyq sanıtarııalyq-epıdemıologııalyq baqylaý departamenti basshysynyń orynbasary Ǵalymbek Álınniń aıtýynsha, ózgerister saýda, qoǵamdyq tamaqtaný, mádenıet nysandarynyń jumysyna qatysty.
– 23 sáýirden bastap О́skemen, Semeı jáne Aıagóz aýdanynda demalys kúnderi sýpermarketter, gıpermarketter, saýda úıleri men saýda oıyn-saýyq ortalyqtarynyń jumysyna tyıym salynady. Jumys kúnderi saǵat 21.00-ge deıin ǵana jumys isteıdi. Al azyq-túlik jáne azyq-túlik emes bazarlar senbi kúni saǵat 17.00-ge deıin jumys isteıdi. Al jeksenbide olardyń jumys isteýine tyıym salynady. Ǵımarattardyń ishindegi bazarlar demalys kúnderi jabyq bolady. Qoǵamdyq tamaqtaný oryndaryndaǵy jumys tártibi saǵat 9.00-den 20.00-ge deıin ózgerdi. Al azyq-túlik porttaryna saǵat 9.00-den 18.00-ge deıin ýaqyt shekteýimen jumys isteýge ruqsat etiledi. Qalǵan ýaqytta tek tamaq alyp ketý jáne jetkizýge ruqsat, – dedi Ǵ.Álın.
«Qyzyl aımaqqa» arnalǵan qaýly negizinde mádenı nysandarǵa, teatr men kınoteatrlardyń qyzmetine tyıym salyndy. Demalys kúnderi saýnalar, jabyq sport nysandary, fıtnes-ortalyqtar, jattyǵý zaldary jumys istemeıdi. Jalpy bilim beretin mektepterde 1-den 5-synypqa deıin qosa alǵanda, halyqaralyq mektepterde 1-den 7-synypqa deıin synyptardaǵy balalar sany 25-ten asyrylmaı aralas formatta oqytý júıesi qaıtarylady. Bitirý synyptary aptasyna alty kún aralas formatta oqytylady. Aralas format, ıaǵnı sabaqtardyń 70 paıyzy mektepte, 30 paıyzy qashyqtan oqytylady. Al qalǵan oqýshylar onlaın rejimde oqýǵa qaıta oralady. Osy tusta aıta keterligi, oqý jylynyń basynan bastap mektep jasyndaǵy balalar arasynda koronavırýs aýrýynyń 1 723 jaǵdaıy tirkeldi. 1 172 bala qashyqtan oqytyldy. Dárigerlerdiń pikirinshe, bala úıde otyrǵanymen aýrýdy ata-anadan, týysynan juqtyrǵan.
– Mektep aýmaǵy bloktarǵa bólingen. Olardyń arasynda júrýge tyıym salynǵan. Ár synypqa óz kabıneti bekitildi. Juqtyrýdyń árbir jańa jaǵdaıy boıynsha juqtyrý sebepterin, sondaı-aq baılanysta bolǵan adamdardy anyqtaý jumystary muqııat júrgiziledi, – dedi oblystyq bilim basqarmasynyń basshysy Saırangúl Jumadilova.
Sanıtarlyq normalar saqtalǵanymen, sáýir aıynda 131 oqýshy indet juqtyrǵan. Basym bóligi sabaqty dástúrli túrde oqyp júrgen edi. Qatań shekteý sharalary О́skemen, Semeı qalalaryna jáne Aıagóz aýdanyna ǵana qatysty. Oblystyń qalǵan aýdandary men qalalaryndaǵy nysandar «sary aımaqtyń» qaýlysy negizinde jumystaryn jalǵastyra beredi.
Densaýlyq saqtaý basqarmasynyń basshysy Ermek Omarbekovtiń aıtýynsha, óńirde koronavırýs aýrýynyń 24 myńǵa jýyq jaǵdaıy tirkelgen. Qazir oblysta 3 544 ınfeksııalyq, 319 reanımasııalyq oryn bar. Bul rette, ınfeksııalyq stasıonarlarǵa 265 pasıent emdeýge jatqyzylǵan. KVI naýqastary úshin tósek qorynyń jumyspen qamtylýynyń jalpy paıyzy 6,9 paıyzdy qurady.
– Epıdemııalyq jaǵdaı nasharlaǵan jaǵdaıda oblysta eki is-qımyl jospary ázirlendi. «D» jospary aıasynda oblys stasıonarlarynda qosymsha ınfeksııalyq jáne reanımasııalyq tósekter ornalastyrylady. Osy jospar boıynsha barlyǵy 6 010 ınfeksııalyq jáne 670 reanımasııalyq oryn bolady. Al «Ch» jospary iske qosylǵan kezde qosymsha myń ınfeksııalyq tósektik oryn ashý múmkindigi bar. Juqpaly aýrýlar aýrýhanalarynda koronavırýspen kúresýge medısınalyq qyzmetkerlerdiń tolyq quramy tartylǵan jaǵdaıda, jeke qorǵanys quraldary bir aıǵa jetkilikti, – deıdi E.Omarbekov.
Oblystyń medısınalyq uıymdary koronavırýsty emdeýge arnalǵan qajetti jabdyqtarmen 100 paıyzǵa jabdyqtalǵan. Máselen, óńirde 67 rentgen-apparaty, 368 О́JT apparaty, myńnan astam ottegi konsentratory, 18 kompıýterlik tomograf bar. 12 medısınalyq uıymda ortalyqtandyrylǵan ottegi magıstrali berilip, ottegi stansalary ornatyldy. Sonymen qatar oblysta 22 PTR zerthanasy bar, onyń jalpy qýattylyǵy táýligine 14 myńǵa jýyq zertteý jasaı alady. О́ńirde koronavırýs ınfeksııasyn emdeý úshin dári-dármek qory jetkilikti. Oryn múldem bos bolmaı qalǵan kúnniń ózinde qor 2 aıǵa jetedi.
– Bizde 380 myńnan astam ystyq túsiretin preparat, 166,5 myńǵa jýyq vırýsqa qarsy preparat, 533,5 myń antıbıotık, 245 myń antıkoagýlıant bar. «SQ-farmasııadan» únemi qosymsha alamyz. Sondaı-aq turaqtandyrý qorynda 2 mln-nan astam vırýsqa qarsy preparat bar. Atalǵan kólem 115 myń pasıentti emdeý kýrsyna jetkilikti, – dep atap ótti E.Omarbekov.
Indettiń aldyn alý úshin halyq jappaı ekpe salǵyzyp jatyr. Sáýirdiń basynda ǵana ekpe alǵan azamattardyń sany 14,5 myńǵa jetken. Bul kórsetkish kúnnen-kúnge artyp otyr. Oblys basshylyǵynyń aıtýynsha, sáýirdiń sońyna deıin ekpeniń 72 myń dozasy jetkiziledi. Qazannyń basyna deıin óńirdegi halyq sanynyń 53 paıyzyn egý josparlanǵan. Bul úshin barlyq múmkindik bar.
Shyǵys Qazaqstan oblysy
