О́ńirlerdegi jaǵdaıdy baǵalaý matrısasy boıynsha bas qala bir aıdan astam ýaqyt «qyzyl» aımaqta tur, dep málimdedi qalanyń bas sanıtar dárigeri Sarhat Beısenova.
«Kúnine 350-den 650-ge deıin jaǵdaı tirkeledi. Sońǵy aptada aýrý kórsetkishi ótken aptadan 9,7%-ǵa joǵary, 100 myń turǵynǵa shaqqandaǵy kórsetkish 320,43 adamdy quraıdy. Reprodýktıvti sany-1021. Jyl bastalǵaly beri qalamyzdaǵy naýqastar sany-22 myńnan asty, al pandemııa bastalǵaly beri 41214 jaǵdaı tirkeldi», dep túsindirdi elordanyń bas sanıtary.
Jas qurylymy boıynsha naýqastardyń eń joǵary deńgeıi eresekterdiń arasynda tirkeledi, olar KVI-men aýyrǵandardyń 79,9%-yn quraıdy, balalar 17,3%-dy, al ınfeksııamen aýyrǵan jasóspirimderdiń jalpy sany 2,8%-ǵa jetip otyr.
«Naýqastar arasynda 14 jasqa deıingi balalardyń sany úsh esege artqany baıqalady. Qańtarda-571, aqpanda-479, naýryzda-1106, sáýirde-1790. Aıta keteıik ınfeksııa juqtyrý balalardyń barlyq jas toptarynda baıqalady», dedi Sarhat Beısenova.
Gaýhar QAPASh
