Jol apaty Serikov pen Qazybaev kósheleriniń qıylysynda bolǵan. Júk kóliginiń júrgizýshisi Qazybaev kóshesimen ońtústik baǵytta júrip kele jatqan. T sıpatyndaǵy joldar oramasynda ol solǵa burylmaq bolǵan. Osy kezde Serikov kóshesi boıymen kele jatqan jolaýshylar avtobýsy batysqa qaraı ketip bara jatqan.
Mercedes júrgizýshisiniń aıtýynsha, avtobýstyń ońǵa burylý belgisi qosylǵan. Er adam avtobýs Qazybaevqa burylady dep oılap, manevr jasaı bastaıdy. Alaıda, avtobýs tike júre beredi. Saldarynan júk kóliginiń júrgizýshisi toqtap úlgermeı, avtobýsqa soǵylǵan.
Jol apatynan avtobýstyń bes jolaýshysy zardap shekti. Júrgizýshi men úsh jolaýshy aýrýhanaǵa jatqyzyldy. Dárigerler besinshi zardap shegýshini oqıǵa ornynda tekserip, bosatty.
Polısııa apattyń mán-jaıyn anyqtap jatyr.
