Janjal barysynda dámhana ıesi aýyr soqqy alǵan ony qoımaǵa aparyp, taǵy da ólimshi qylyp uryp-soǵady. Alaıda, teketires bastalmas buryn dámhana ıesi qońyraý shalǵan jábirlenýshiniń áıeline kúıeýi mas ekenin aıtyp, alyp ketýdi talap etken. Artynsha oqıǵa ornyna anasy keledi. Er adam jigitti kólikke otyrǵyzýǵa kómektesedi. Alaıda, tek úıine jete beriste anasy ulynyń baqılyq bolǵanyn baıqady.
Isti tergeý barysynda Kókshetaý qalalyq soty oblys ortalyǵyndaǵy dámhananyń 41 jastaǵy ıesin segiz jylǵa bas bostandyǵynan aıyrý jáne zardap shekken tarapqa jalpy somasy 13 mln teńgeden astam tóleý týraly úkim shyǵardy.
Sottalýshy sot otyrysy barysynda óz kinásin moıyndamaı, kerisinshe, jábirlenýshi baspaldaqtan qulaǵan kezinde jaraqat alǵanyn alǵa tartady. Al sarapshylardyń aıtýynsha, mundaı jaraqatty adam satydan qulaǵan kezde almaıdy.
Kókshetaý qalalyq sotynyń sýdıasy Dıdar Baınııazov er adamdy Qylmystyq kodekstiń 106-baby 3-bóligi «abaısyzda adam ólimine ákep soqqan densaýlyqqa qasaqana aýyr zııan keltirý» boıynsha kináli dep tanyp, jas balasyn eskere otyryp, er adamdy ortasha qaýipsiz qylmystyq atqarý júıesi mekemesinde óteı otyryp, segiz jyl bas bostandyǵynan aıyrý túrindegi jaza taǵaıyndady.
