Kezdesý barysynda eki el arasyndaǵy yntymaqtastyqty odan ári nyǵaıtý máseleleri talqylandy. Senat Tóraǵasy parlamentaralyq dıalog Qazaqstan-Reseı yntymaqtastyǵynyń mańyzdy quramdas bóligi bolyp tabylatynyn atap ótti.
«Ekijaqty qarym-qatynastarda óńiraralyq jáne shekara mańy yntymaqtastyǵynyń mańyzy zor. Qazirgi tańda Qazaqstan men Reseı arasyndaǵy taýar aınalymynyń shamamen 70 paıyzy óńiraralyq jáne shekara mańy saýdasyna tıesili. Bizdiń memleketterimizdiń basshylary shekara mańyndaǵy yntymaqtastyqqa erekshe nazar aýdaryp otyr. Qazaqstan men Reseıdiń óńiraralyq yntymaqtastyq forýmdary ótkizilip keledi. Bizdiń senatorlarymyzdyń basym bóligi belgili bir aımaqtardan saılanǵan. Sondyqtan senatorlar eki el Prezıdentteriniń bastamalaryn qoldaıdy ári júzege asyrýǵa belsene qatysyp keledi», dedi Máýlen Áshimbaev.
Senat Tóraǵasynyń aıtýynsha, eki el arasyndaǵy qarym-qatynas ǵylymı-bilim berý, mádenı-gýmanıtarlyq jáne basqa da salalarda tabysty damyp keledi.
