Sońǵy oıynda Shymkentte «Ordabasy» men Qyzylordanyń «Qaısar» komandalary kezdesti. Ońtústik óńirdiń eki klýby arasyndaǵy kezdesý tartysty ótti.
Esepti alǵash bolyp «Ordabasy» shabýylshysy Joao Paolo 21-mınýtta ashty. Odan keıin qyzylordalyq klýbtan Karolıs Laýkjemıs 25, 36-mınýttarda qos gol soǵyp, óz komandasyn alǵa shyǵardy. Osylaısha birinshi kezeń «Qaısardyń» basymdylyǵymen aıaqtaldy.
Ekinshi kezeńde alań ıeleri qatarynan Tımýr Dosmaǵambetov 61-mınýtta mergendik tanytsa, 63-mınýtta Joao Palo óziniń ekinshi golynyń avtory atandy. Al 88 -mınýtta Rýben Brıdjıdo qorytyndy esepti belgiledi. «Ordabasy» qarsylasyn 4:2 esebimen tize búktirdi. Nátıjesinde týrnır kestesinde «Qaıratty» artqa tastap, tórtinshi orynǵa kóterildi.
