Búgin keshke TJD pýltine Buqar jyraý dańǵylyndaǵy kópqabatty úıde órt shyqqany týraly habarlama kelip tústi.
Oqıǵa ornyna kelgen órt sóndirýshiler turǵyndar jıhaz jınap qoıǵan baspaldaq ótkelin ot sharpyǵanyn anyqtady.
«24 sáýir saǵat 18:28-de Qaraǵandy qalasynda, Buqar Jyraý dańǵyly, 96 mekenjaıynda órt shyqqany týraly habarlama kelip tústi. 9 qabatty turǵyn úıde aldyn ala boljam boıynsha jalpy aýdany 70 sharshy metr aýmaqta, 4 jáne 9-shy qabattar arasyndaǵy baspaldaq aralyqtarynda jıhaz, úı zattary men qoqystar janyp ketti» dep habarlady Qaraǵandy oblysy TJD baspasóz qyzmeti.
TJD kúshimen kireberis páterlerinen qutqarý qalpaqtarynyń jáne avtosatynyń kómegimen 12 adam (onyń ishinde 4 bala) qutqaryldy jáne baspaldaq arqyly 35 adam (onyń ishinde 8 bala) evakýasııalandy
Saǵat 19:41-de órt aýyzdyqtaldy.
