Qazaqstan tennıs federasııasy málim etkenindeı, Zara Dárken jekeleı jáne juptyq synda da úzdik shyqty.
Z.Dárken jekeleı synda fınalda serbııalyq Petra Konıkýshıchpen kezdesti.
Birinshi partııa barysynda besinshi geımde qazaqstandyq tennısshi breık jasaı aldy. Sosyn setti óz paıdasyna jazdy – 6:2.
Ekinshi sette de Zara basymdylyq tanytty – 6:3.
Báseke 1 saǵat 30 mınýtqa sozyldy.
Z.Dárken kezdesý barysynda eki eıs, bes ret breık jasady.
Osylaısha Zara maýsymdaǵy úshinshi jeńisine qol jetkizdi. Sonyń ekeýi onyń juptyq syndaǵy tabysy edi.
Zara keshe osy jarysta germanııalyq Nastasııa Nesterovıchpen birge juptyq synda da jeńis tuǵyryna kóterilgen edi.
