Foto: Sergeı Savostıanov / TASS
Bul týraly Reseı Federasııasy Ishki ister mınıstrliginiń Máskeý qalasy boıynsha bas basqarmasyna qarasty kóshi-qon bóliminiń bastyǵy Dmıtrıı Sergıenko aıtty.
«Máskeýde turatyn sheteldik azamattardyń sany 21% -ǵa azaıyp, 789 myńǵa jetti. О́tken jyldyń dál osy kezeńinde olardyń sany mıllıonnan asqan edi», dedi D.Sergıenko Máskeýdiń Qoǵamdyq palatasyndaǵy qaýipsizdik, kóshi-qon saıasaty jáne ultaralyq qatynastar jónindegi komıssııanyń otyrysynda.
Sondaı-aq olardyń kópshiligi Reseıge zańdy túrde kelgendigin naqtylap ótti.
Reseıge vızamen kelgen sheteldikter qytaılyqtar - 13%, Túrkııa men Vetnam azamattary - 10%.
«733 myń sheteldik jumysshynyń kópshiligi Qyrǵyzstan - 30%, О́zbekstan - 27%, Tájikstan - 20% azamattary», dedi kóshi-qon bóliminiń bastyǵy.
Onyń aıtýynsha, 2021 jyldyń birinshi toqsanynda sheteldik azamattardy kóshi-qon boıynsha tirkeýge alý kórsetkishi 41,4% -ǵa tómendegen.
Kóshi-qonǵa tirkelgen sheteldikter men azamattyǵy joq adamdardyń basym bóligi Máskeýge jumys isteý úshin kelgen. Al Reseıde júrý merzimin uzartýǵa baılanysty kóshi-qonǵa tirkelgen sheteldikterdiń sany 42% ósken.
