Aýdan aktıviniń otyrysynda aımaq basshysy buǵan deıin Talas aýdanyn basqaryp kelgen Baqyt Qazanbasovqa atqarǵan qyzmeti úshin alǵysyn bildirdi. Al Qanatbek Mádibekke aýdannyń áleýmettik-ekonomıkalyq damýy, zańdylyq pen tártipti nyǵaıtý boıynsha birqatar mindetter júktedi.
- Baqyt Qazanbasov Talas aýdanynyń damýy jolynda kóp ter tókti desek, oǵan sol úshin alǵys aıtqym keledi. Qanatbek Mádibek – tájirıbeli basshy. Sizder ony qoldap, aýdan ıgiligi úshin birlese jumys jasaıtyndaryńyzǵa men senemin, - dedi Berdibek Saparbaev.
Reti kelgende Baqyt Qazanbasov aýdannyń damýy jolynda aıanbaǵanyn jetkizip, jańa ákimge sáttilik tiledi. Al, Qanatbek Mádibek bul taǵaıyndaýdyń ózine úlken jaýapkershilik júkteıtinin tilge tıek etti.
Mádibek Qanatbek Qaıshybekuly 1977 jyly týǵan, bilimi joǵary.
1998 jyly Qazaq memlekettik agrarlyq ýnıversıtetin «Aýyl sharýashylyǵyn mehanıkalandyrý» mamandyǵy boıynsha bitirgen.
Eńbek jolyn 1998 jyly Jańatas qalasyndaǵy «Vodokanal» kásipornynda ınjener bolyp bastaǵan.
Ár jyldary Sarysý aýdany ákimi apparatynda keńesshi, bas maman, bólim meńgerýshisi, Sarysý aýdany Jańaaryq aýyldyq okrýginiń ákimi, Jambyl oblysy ákimi apparatynda bas ınspektor, bólim meńgerýshisi, Jambyl oblysy ákimi apparaty basshysynyń orynbasary, Sarysý aýdanynyń ákimi, Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasy basshysynyń orynbasary, Qazaqstan Respýblıkasy Energetıka mınıstrligi Ekologııalyq retteý jáne baqylaý komıtetiniń Jambyl oblysy boıynsha ekologııa departamentiniń basshysy sekildi qyzmet atqarǵan.
2020 jylǵy tamyzdan bastap Jambyl oblysy ákimi apparatynyń basshysy laýazymynda jumys istep keldi.
