Osy ýaqytqa deıin oblys ákimi apparatynyń basshysy qyzmetin atqaryp kelgen Qanatbek Mádibek Jambyl oblysynyń ákimi Berdibek Saparbaevtyń ókimi negizinde Qazaqstan Respýblıkasy Prezıdenti Ákimshiliginiń jáne aýdandyq máslıhat depýtattarynyń kelisimimen Talas aýdanynyń ákimi bolyp taǵaıyndaldy. Qanatbek Mádibek kezinde Sarysý aýdanynda eki ret ákim bolǵan tájirıbeli maman.
Al Talas aýdanynyń ákimi bolyp kelgen Baqyt Qazanbasov budan bylaı Baızaq aýdanynyń ákimi qyzmetin atqaratyn boldy. Baqyt Qazanbasov ta kezinde Jambyl aýdanyn basqarǵan bilikti kadr.
Osy ýaqytqa deıin oblystyq aýylsharýashylyǵy, tabıǵı resýrstar jáne tabıǵat paıdalanýdy retteý basqarmalarynyń basshysy bolyp jumys istegen, sońǵy kezeńde Baızaq aýdanynyń ákimi qyzmetinde bolǵan Nurjan Nurjigitov búginnen bastap Jambyl oblysy ákiminiń orynbasary oryntaǵyna jaıǵasty.
Kúni búginge deıin atalǵan laýazymda qyzmet atqaryp kelgen Berik Nyǵmashev óz erkimen otstavkaǵa ketý týraly ótinish bergen bolatyn.
Sonymen qatar 2020 jylǵy qańtardan bastap osy kúnge deıin Qazaqstan Respýblıkasy Sybaılas jemqorlyqqa qarsy is-qımyl agenttigi seriktestik departamentiniń dırektory laýazymynda bolǵan Rasýl Medetov oblys ákimi apparatynyń basshysy bolyp bekitildi. Ol Prezıdenttik jastar kadrlyq rezerviniń quramyna engen.
