Qazirgi kezde qurylymdar men áskerı bólimderde jazǵy oqý kezeńine daıyndyq júrýde. Bas qolbasshylar tehnıkany jazǵy paıdalaný rejımine aýystyrý barysy, sondaı-aq polıgondar men oqý-jattyǵý alańdaryn oq-dárilerdiń qaldyqtarynan tazartý jóninde baıandady.
О́ńirlik qolbasshylyqtar men ásker tekterinde komandalyq quramnyń nusqaý berý-ádistemelik sabaqtary josparlanǵan. Onda qysqy oqytý kezeńiniń qorytyndylary shyǵarylyp, ekinshi jartyjyldyqta jaýyngerlik daıarlyqty uıymdastyrý tártibi naqtylanady.
Qorǵanys mınıstri daıyndyq kezeńindegi is-sharalardy ótkizýde qaýipsizdik jáne sanıtarlyq-epıdemıologııalyq sharalardyń saqtalýyn qamtamasyz etýge nusqaý berdi.
Áskerlerdegi jaýyngerlik tártiptiń jaı-kúıi máseleleri jeke qaraldy. 2021 jyldyń birinshi toqsanynda Qarýly Kúshterde quqyq buzýshylyqtar sany ótken jyldyń osy kezeńimen salystyrǵanda 4%-ǵa tómendegen.
Qorǵanys vedomstvosynyń basshysy oń dınamıkaǵa qaramastan, áskerı qyzmetshiler arasynda quqyqtyq tártipti buzýǵa jol berilmeýine taǵy da nazar aýdardy. Ol úshin barlyq sanattaǵy áskerı komandırlerge, serjanttyq quram men tárbıe quralymdarynyń ofıserlerine áskerı ujymdardaǵy barlyq úderisterdi jeke uǵyný, belgilengen josparlar men baǵdarlamalar boıynsha ǵana áreket etýge emes, jeke qurammen jumys isteýdiń standartty emes nysandary men ádisterin qoldaný tapsyryldy. Árbir quqyq buzýshy qylmystyq jaýapkershilikke deıin jazaǵa tartylyp, Qarýly Kúshter qatarynan shyǵarylýy tıis. О́ziniń basshylyǵynda qatelikter jibergen komandırler men bastyqtar atqaratyn laýazymdaryna sáıkes kelý máselesi qarastyrylady.
Mereke kúnderi qarsańynda joǵary qyraǵylyqty, kezekshi kúshter men quraldardyń daıyndyǵyn, áskerı obektilerdiń dıversııaǵa qarsy qaýipsizdigin, áskerı tártipti saqtaýdy qamtamasyz etý týraly nusqaýlar berildi. Merekelik is-sharalar adamdardyń kóp jınalýyn boldyrmaýdy eskere otyryp, josparlanatyn bolady.
Qarýly Kúshterdiń áskerı qyzmetshileri men azamattyq personalyn vaksınasııalaý jalǵasýda. Bas áskerı-medısınalyq basqarma bastyǵynyń baıandamasy boıynsha 2021 jyldyń 26 sáýirindegi jaǵdaı boıynsha ekpe alǵandardyń jalpy sany 23 myńnan astam adamdy qurady. Iаǵnı, ótken aptada 11 myńnan astam áskerı qyzmetshi men azamattyq personal ókilderi ekpe saldyrdy.
Qorǵanys mınıstriniń orynbasary Daryn Tuıaqov armııany sıfrlandyrý aıasynda «E-ótinish» júıesin engizý týraly baıandady. Ol búkil úrdisti ashyq jáne Qorǵanys mınıstrligine kelip túsken ótinishterdi qaraý merzimderin qysqartýǵa múmkindik beredi.
Qazirgi ýaqytta barlyq garnızondarda 867 avtomattandyrylǵan jumys oryndaryn jabdyqtaý, sondaı-aq personaldy oqytý júrgizilýde. Qarýly Kúshterdi biryńǵaı aqparattyq júıege qosý 2021 jyldyń 1 shildesine qaraı júzege asyrý josparlanyp otyr.
Qorǵanys mınıstri «E-ótinish» – «halyq únine qulaq asatyn memleket» tujyrymdamasyndaǵy mańyzdy qural ekenin, sondyqtan biryńǵaı aqparattyq júıeni engizý jónindegi barlyq is-sharalardy ýaqtyly jáne sapaly oryndaý qajettigin atap ótti.
