PIK-tiń ornyna MIB: Budan ózgergen ne bar?

Turǵyndardyń shaǵymy bo­ıyn­sha, osy máselemen talaı ret aýdan, qala ákimine shyq­­qan kezderimiz de boldy. Alaı­da PIK-terdiń qýlyqpen qu­ryl­­ǵan óz zańdaryna sáıkes, ákim­shi­lik­terge baǵynbaıtyn. Son­dyq­tan olar­dan esep, tártip, tur­ǵyn úı­l­erdiń tazalyǵy men jón­deý ju­­mys­taryn talap etý óte qıyn edi. О́ıtkeni PIK bir mezet­te kóp­­­­pá­ter­li turǵyn úıdiń ortaq mú­l­­kin kútip ustaýdaǵy qyz­met­ter­diń tapsyrys berýshisi ári oryn­daýshysy bolyp keldi.

Jyry jyldarǵa jalǵasqan bul jaǵdaı da birtindep sheshimin taba bastaǵan syńaıly. Almatyda Menshik ıeleri birlestigin (MIB) basqarýdyń jańa júıesi men qarapaıym seriktestikti (QS) 720-dan astam úıdiń turǵyndary tańdaǵan. Qazir óńirlerdiń ishinde Almaty kóp páterli turǵyn úı­lerdi PIK-ten MIB-ke aýystyrýda kósh bastap tur.

Almaty qalasy Turǵyn úı saıasaty basqarmasynyń basshysy Erjan Seıtenovtiń aıtýyn­sha, PIK-ten MIB-tiń bas­ty erek­sheligi – turǵyndar óz úı­lerin derbes basqarýǵa, son­daı-aq ony kúrdeli jóndeýge aq­sha jınaýǵa múmkindik alady. Buryn PIK-ter barlyq úı­ler­den ortaq shotqa aqsha jı­na­ǵanymen, shyndyǵynda onyń qalaı jumsalatynyn baqy­laý qıyn edi. Munan bylaı tur­ǵyn­dar qarajattyń maqsatty jum­salýyn qadaǵalaı alady. «Endi MIB tapsyrys berýshi bola­dy. Bul turǵyndardyń ózderi basqarýshylarmen jáne ser­vıstik uıymdarmen, kommýnal­dyq qyzmettermen sharttar­dy tańdap, jasasatynyn, olar­dyń jumysyn tekserip, oryn­dalǵan jumystarǵa óz nysany boıynsha aqy tóleıtinin bil­dire­di», deıdi Turǵyn úı saıasaty bas­qarmasynyń basshysy.

Búgingi tańda Almatyda 359 MIB tirkelgen jáne basqarýdyń jańa nysany retinde 367 QS tań­dalǵan, qala boıynsha barly­ǵy basqarýdyń 726 jańa formasy bar. Spıker megapolıs turǵyn­daryn bul máselege bastama­shylyq tanytýǵa shaqyrdy, sebebi bas­qarýdyń jańa júıesinde ar­tyq­shylyqtar jeterlik.

«Basqarýdyń jańa nysandary «bir úı – bir birlestik – bir shot» qaǵıdaty boıynsha jumys isteıdi jáne árbir úıdi basqarýda jeke tásil qarastyrylady, úıdi kútip ustaýdy qarjylandyrady, or­taq múliktiń saqtalýyn qam­ta­masyz etedi, sondaı-aq tur­ǵyndarǵa aqshanyń túsýi men onyń jumsalýyn baqylaý múmkin­digimen óz úıin ǵana kútip-ustaýǵa qarajat jınaqtaýǵa múmkindik beredi», dedi E.Seıtenov.

Eger PIK bir mezgilde tapsyrys berýshi jáne qyzmetterdi oryn­daýshy retinde bolsa, endi turǵyndardyń ózderi ózderi­niń MIB/QS ókili arqyly basqarý­shylar­men jáne servıstik uıym­dar­men, kommýnaldyq qyzmet­ter­­­men sharttardy tańdap, ke­lisim­ge keledi, olardyń úıinde oryn­­dal­ǵan jumys úshin tóleıdi. «PIK al­dynda MIB jáne QS-tiń bas­ty ar­tyqshylyǵy turǵyndar jı­nalǵan aqshany maqsatty paıdalaný boıynsha Úı keńesinen aı saıynǵy esep alý arqyly qarjy-sharýashylyq qyzmetin baqylaı alady», dep tolyqtyrdy spıker. Sonymen qatar, basqarýdyń jańa formalaryn (MIB/QS) bas­ta­mashyl top shaqyrǵan jına­lys kezinde tańdaıdy, oǵan páterler men turǵyn emes úı-jaılar ıe­leriniń keminde 10%-y kiredi. Onyń ótkizilýi týraly 10 kún bu­ryn ha­barlanyp, sheshilýi tıis má­se­leler kórsetilýi kerek. Eger qandaı da bir sebepter­men jın­alys ótkizý múmkin bolmasa, jaz­basha saýaldama uıymdastyrylady.

Turǵyn úı saıasaty basqarma­synyń basshysy E.Seıtenov MIB nemese QS-ke kóshý algorıtmin egjeı-tegjeıli sıpattap, olarǵa kim kiretinin tómendegideı sıpattady. «MIB qurý úshin jalpy jınalysqa nemese saýaldamaǵa qatysýshylardyń jartysynan kóbiniń kelisimi qajet eke­nin este ustaǵan jón. Al qara­pa­ıym seriktestik qurý úshin úı tur­ǵyn­darynyń 100% kelisimi qajet. Olardyń árqaısysy senimhat berip, birlesken qyzmet týraly shartqa qol qoıýy tıis», dedi bas­qarma basshysy.

E.Seıtenov MIB tóraǵasy nemese QS-tiń senimdi ókili bir jylǵa saılanatynyn habarlady. Sonymen qatar, Úı keńesi saılanady. Jınalysta keminde 51% bolýy kerek turǵyndar kem degende úsh páter ıesi kiretin úı keńesiniń múshelerin saılaýy kerek. Olar úsh jylǵa saılanady. Ári qaraı, basqarýdyń eki formasynyń birin tań­daı­dy: MIB nemese QS. Nemese Úı keńesine basqarý formasyn tańdaýǵa ókilettik beredi. Tirkeý nátıjeleri boıynsha zań­dy tulǵany memlekettik tir­keý týraly anyqtama beriledi.  MIB pen QS ekinshi deńgeıdegi bankte aǵymdaǵy jáne jınaq shottaryn ashýy tıis. Jalpy alǵanda, MIB, QS, basqarýshy nemese basqarýshy kompanııanyń qyzmetin úılestirýdi jáne úıdi bas­qarý jáne ortaq múlikti us­taý­da aı saıynǵy, jyldyq esep­terdi qaraýdy Úı keńesi júze­ge asyrady. MIB/QS qar­jy-sha­rýashylyq qyzmetin baqy­laý­dy tekserý komıssııasy nemese tekserýshi júzege asyrady. Turǵyndarǵa jańa júıeni túsiný qıynǵa soǵatyn sııaqty. Al biraq is júzinde olaı emes, dedi E.Seıtenov.

Onyń aıtýynsha, eger turǵyn­dar MIB tóraǵasyn saılasa, onda ol servıstik uıymdarmen tike­leı jumys isteýge, menshik ıe­leri birlestiginiń atynan shart­tar jasasýǵa, qyzmetterge aqy tóleýge quqyly. Jınalǵan qara­jatty Úı keńesi baqylaıdy, al bar­lyq baqylaý men monıtorıng turǵyndarǵa qalady. E.Seı­tenov­tyń aıtýynsha, búgin­de turǵyn úı saıasaty basqar­ma­synyń qyz­met­kerleri halyq­pen keń aýqym­dy túsindirý jumys­taryn jalǵas­tyrý­da. О́tken jyl­dyń ózinde 6 700 kóppáterli turǵyn úıdi qam­tý­men 2 400-ge jýyq jına­lys ótti. Alaıda, ázirge kóp páterli turǵyn úılerdiń tek 8%-y bas­qarýdyń jańa nysanyna kóshti.

MIB-in tirkeýdiń baıaý qar­qynmen júrýi sebepteriniń biri koronavırýsqa baılanys­ty shekteýlerdiń áseri bolýy múmkin. Jappaı jınalystarǵa tyıym salyndy, bul jaǵdaıda ondaı keńester turǵyndar ózderi­niń ortaq úıin basqarý formasyn tańdaý týraly biryńǵaı sheshim qabyldaýy úshin kerek.

Almatydaǵy epıdemııalyq jaǵdaı turaqtanǵannan keıin basqarýdyń jańa formalaryna kóshý ákimdik ázirlegen kes­te boıynsha jalǵasady. E.Seı­tenov Almatyda 870 PIK ju­mys isteıtinin, onyń kóbi bir­den birneshe júzde­gen úıdi bas­qaratynyn málimdedi. Son­dyq­tan aqsha barlyǵy­na bólinedi, al MIB-tiń artyqshylyǵy bir úıge tıesili bir shot bolady.

Aıta keteıik, Qazaqstanda barlyq PIK 2022 jyldyń 1 shil­­desine deıin qaıta uıymdas­tyrylady. Osy ýaqyttan keıin barlyq PIK-ter basqarýshylar men servıstik kompanııalar qata­ryna ketýi tıis.

ALMATY