Áskerı bólimniń qurylýy men qalyptasýyna ár jyldarda basqarǵan basshylardyń sińirgen eńbekteri zor. Qarýly kúshterde ózindik orny bar bólimnen túlep ushqan ofıserler búgingi kúni jaýapty qyzmette eńbek etip júr.
О́skemendegi áskerı bólimge 2019 jyldyń 4 qyrkúıeginde Qorǵanys mınıstriniń buıryǵymen Halyq Qaharmany Qasym Qaısenovtyń esimi berildi. Mundaǵy jeke quramnyń jaýyngerlik ázirligi de únemi joǵarydan kórinip keledi. Atap aıtsaq, «Shubarkól» polıgonynda Reseıdiń Qarýly Kúshterimen birlesken «О́zara qımyl – 2008» oqý jattyǵýy, 2010-2011 jyldary Ulttyq qaýipsizdik departamentimen birlesken jedel taktıkalyq oqý jattyǵýlary, «Kóktal» oqý polıgonyndaǵy «Aıbalta –2015», «Shyǵys» oqý polıgonyndaǵy «Aıbalta – 2016», «Shyǵys» oqý polıgonyndaǵy jattyǵýlary dálel.
Budan bylaı da podpolkovnık Aslan Kitapbaev basshylyq etetin bólimniń áskerı qyzmetshileri elimizdiń strategııalyq mańyzdy aımaǵynda qaýipsizdikti qamtamasyz etý úshin jaýyngerlik mindetterin abyroımen atqara bermek.
